Áziret Sultan qoryq-mýzeiiniń, Qoja Ahmet Iasaýi jáne Rabiia Sultan Begim keseneleriniń aýmaǵyn abattandyrý 2025 jylǵa deiin jalǵasady, dep habarlaidy "Ult aqparat".
Bul týraly Mádeniet jáne sport ministri Aqtoty Raiymqulova Úkimet otyrysynda aitty.
«Qazirgi tańda Túrkistan oblysyna bir jylda keletin týrister sany 1,2 mln bolady. Óńirdiń týristik aǵynyn ulǵaitý úshin Túrkistan jáne Tóle bi aýdanyndaǵy «Qasqasý» týristik-rekreatsiialyq ortalyqtarynyń infraqurylymyn damytý josparlanyp otyr. Sondai-aq Uly Jibek joly boiynda jańa týristik ónimder paida bolady», - dedi ministr.
Aqtoty Raiymqulova Túrkistan óńirin damytýdyń besjyldyq keshendi jospar sheńberinde mádeniet pen týrzimdi qozǵaityn 11 investitsiialyq joba josparlanǵanyn, onyń 9-y jeke investitsiialar esebinen iske asatynyn aitty.
«Sonyń arqasynda 2025 jyly týrister sanyn 2,5 mln adamǵa deiin, ornalastyrý oryndarymen qyzmet kórsetilgen kelýshiler sanyn 291 myń adamǵa deiin jáne týrizm salasynda jumys isteitinder sanyn 30 myń adamǵa deiin artady dep josparlanýda. Statistikalyq derekter boiynsha óńirde 703 mádeniet mekemesi bar. Jańadan 13 mádeniet nysany paidalanýǵa beriledi», - dedi vedomstvo basshysy.
Ministrdiń aitýynsha, keshendi jospary aiasynda tarihi-mádeni murany saqtaý boiynsha 3 aýqymdy jobany iske asyrý kózdelgen.
Iaǵni, Kúltóbe qalashyǵynyń tarihi nysandaryn qalpyna keltirý, Áziret Sultan qoryq-mýzeiiniń aýmaǵyn abattandyrý, sondai-aq Qoja Ahmet Iasaýi jáne Rabiia Sultan Begim kesenelerin, Túrkistan qalasyndaǵy tsitadeldiń qamal qabyrǵasyn qalpyna keltirý jumystary kózdelip otyr.
«2025 jylǵa deiin 59 nysanǵa qalpyna keltirý jumystaryn aiaqtap, 24 arheologiialyq zertteý júrgizý josparlanyp otyr. Nátijesinde Qoja Ahmet Iasaýi kesenesine kelýshiler sany 2,3 mln adamǵa deiin artady», - dedi Aqtoty Raiymqulova.
