ەزٸرەت سۇلتان قورىق-مۋزەيٸنٸڭ, قوجا احمەت ياساۋي جەنە رابييا سۇلتان بەگٸم كەسەنەلەرٸنٸڭ اۋماعىن اباتتاندىرۋ 2025 جىلعا دەيٸن جالعاسادى, دەپ حابارلايدى "ۇلت اقپارات".
بۇل تۋرالى مەدەنيەت جەنە سپورت مينيسترٸ اقتوتى رايىمقۇلوۆا ٷكٸمەت وتىرىسىندا ايتتى.
«قازٸرگٸ تاڭدا تٷركٸستان وبلىسىنا بٸر جىلدا كەلەتٸن تۋريستەر سانى 1,2 ملن بولادى. ٶڭٸردٸڭ تۋريستٸك اعىنىن ۇلعايتۋ ٷشٸن تٷركٸستان جەنە تٶلە بي اۋدانىنداعى «قاسقاسۋ» تۋريستٸك-رەكرەاتسييالىق ورتالىقتارىنىڭ ينفراقۇرىلىمىن دامىتۋ جوسپارلانىپ وتىر. سونداي-اق ۇلى جٸبەك جولى بويىندا جاڭا تۋريستٸك ٶنٸمدەر پايدا بولادى», - دەدٸ مينيستر.
اقتوتى رايىمقۇلوۆا تٷركٸستان ٶڭٸرٸن دامىتۋدىڭ بەسجىلدىق كەشەندٸ جوسپار شەڭبەرٸندە مەدەنيەت پەن تۋرزيمدٸ قوزعايتىن 11 ينۆەستيتسييالىق جوبا جوسپارلانعانىن, ونىڭ 9-ى جەكە ينۆەستيتسييالار ەسەبٸنەن ٸسكە اساتىنىن ايتتى.
«سونىڭ ارقاسىندا 2025 جىلى تۋريستەر سانىن 2,5 ملن ادامعا دەيٸن, ورنالاستىرۋ ورىندارىمەن قىزمەت كٶرسەتٸلگەن كەلۋشٸلەر سانىن 291 مىڭ ادامعا دەيٸن جەنە تۋريزم سالاسىندا جۇمىس ٸستەيتٸندەر سانىن 30 مىڭ ادامعا دەيٸن ارتادى دەپ جوسپارلانۋدا. ستاتيستيكالىق دەرەكتەر بويىنشا ٶڭٸردە 703 مەدەنيەت مەكەمەسٸ بار. جاڭادان 13 مەدەنيەت نىسانى پايدالانۋعا بەرٸلەدٸ», - دەدٸ ۆەدومستۆو باسشىسى.
مينيستردٸڭ ايتۋىنشا, كەشەندٸ جوسپارى اياسىندا تاريحي-مەدەني مۇرانى ساقتاۋ بويىنشا 3 اۋقىمدى جوبانى ٸسكە اسىرۋ كٶزدەلگەن.
ياعني, كٷلتٶبە قالاشىعىنىڭ تاريحي نىساندارىن قالپىنا كەلتٸرۋ, ەزٸرەت سۇلتان قورىق-مۋزەيٸنٸڭ اۋماعىن اباتتاندىرۋ, سونداي-اق قوجا احمەت ياساۋي جەنە رابييا سۇلتان بەگٸم كەسەنەلەرٸن, تٷركٸستان قالاسىنداعى تسيتادەلدٸڭ قامال قابىرعاسىن قالپىنا كەلتٸرۋ جۇمىستارى كٶزدەلٸپ وتىر.
«2025 جىلعا دەيٸن 59 نىسانعا قالپىنا كەلتٸرۋ جۇمىستارىن اياقتاپ, 24 ارحەولوگييالىق زەرتتەۋ جٷرگٸزۋ جوسپارلانىپ وتىر. نەتيجەسٸندە قوجا احمەت ياساۋي كەسەنەسٸنە كەلۋشٸلەر سانى 2,3 ملن ادامعا دەيٸن ارتادى», - دەدٸ اقتوتى رايىمقۇلوۆا.
