2025 jylǵa qarai elimizde memlekettik baǵdarlama boiynsha 20 iri klinika salynady. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Aldaǵy 5 jylda memlekettik densaýlyq saqtaý mekemelerin meditsinalyq tehnikamen 100 paiyz qamtamasyz etýimiz kerek. Sonymen qatar jańa aýrýhanalar salý qajet. Jumyspen qamtýdyń jol kartasy aiasynda biyldyń ózinde 24 jańa densaýlyq saqtaý nysany paidalanýǵa beriledi. 2025 jylǵa qarai memlekettik baǵdarlama boiynsha 20 iri klinika salynady», - dedi Qazaqstan Prezidenti.
Memleket basshysynyń aitýynsha, atalǵan klinikalardyń qurylysy memlekettik-jekeshelik seriktestik negizinde júzege asyrylady.
«Úkimet pen ákimder bul tapsyrmany múltiksiz oryndaý tiis. Búkil álemde pandemiia qaita órship ketýi de múmkin. Sol úshin juqpaly aýrýlardy emdeitin klinikalardyń barlyǵyn halyqaralyq standarttarǵa sáikestendirýimiz kerek «, - dedi Qasym-Jomart Toqaev.
