Qazaqstannyń tranzittik-trafiktik baǵyttaǵy pozitsiialaryn ustap qalý úshin birqatar shara qabyldanady, dep habarlaidy "Ult aqparat".
«Tranzittik-trafiktik pozitsiialardy ustap qalý úshin biz qyzmet kórsetý, tasymaldaýdyń sapasy men jyldamdyǵyn arttyrý boiynsha jumys júrgizemiz. Osy maqsatta Qazaqstanda kólik infraqurylymyn damytý odan ári jalǵasady. 2020 jyly respýblikanyń avtokólik joldary jelisiniń 4 myń shaqyrymy ashyq bolady», - dedi Premer-Ministrdiń orynbasary Roman Skliar Úkimettiń baspasóz ortalyǵynda.
Onyń aitýynsha, qanaǵattanarlyq jaǵdaidaǵy avtokólik joldarynyń úlesi qazirgi ýaqytta 90 paiyzdy quraidy.
«2025 jyly respýblikalyq avtokólik joldarynyń 100 paiyzy qalpyna keltirilip, jańartylady. Odan bólek, servistik infraqurylymdy qurý jumystary aiaqtalady», - dedi ol.
