قازاقستاننىڭ ترانزيتتٸك-ترافيكتٸك باعىتتاعى پوزيتسييالارىن ۇستاپ قالۋ ٷشٸن بٸرقاتار شارا قابىلدانادى, دەپ حابارلايدى "ۇلت اقپارات".
«ترانزيتتٸك-ترافيكتٸك پوزيتسييالاردى ۇستاپ قالۋ ٷشٸن بٸز قىزمەت كٶرسەتۋ, تاسىمالداۋدىڭ ساپاسى مەن جىلدامدىعىن ارتتىرۋ بويىنشا جۇمىس جٷرگٸزەمٸز. وسى ماقساتتا قازاقستاندا كٶلٸك ينفراقۇرىلىمىن دامىتۋ ودان ەرٸ جالعاسادى. 2020 جىلى رەسپۋبليكانىڭ اۆتوكٶلٸك جولدارى جەلٸسٸنٸڭ 4 مىڭ شاقىرىمى اشىق بولادى», - دەدٸ پرەمەر-مينيستردٸڭ ورىنباسارى رومان سكليار ٷكٸمەتتٸڭ باسپاسٶز ورتالىعىندا.
ونىڭ ايتۋىنشا, قاناعاتتانارلىق جاعدايداعى اۆتوكٶلٸك جولدارىنىڭ ٷلەسٸ قازٸرگٸ ۋاقىتتا 90 پايىزدى قۇرايدى.
«2025 جىلى رەسپۋبليكالىق اۆتوكٶلٸك جولدارىنىڭ 100 پايىزى قالپىنا كەلتٸرٸلٸپ, جاڭارتىلادى. ودان بٶلەك, سەرۆيستٸك ينفراقۇرىلىمدى قۇرۋ جۇمىستارى اياقتالادى», - دەدٸ ول.
