Aldaǵy 5 jylda 500 myń adam agroónerkásip kesheninde jumyspen qamtylady. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy QazAqparat.
«Jalpy, koronavirýs pandemiiasy jaǵdaiynda búkil álemde eldiń azyq-túlik qaýipsizdigin qamtamasyz etýdegi aýyl sharýashylyǵynyń róline degen jalpy túsiniktiń óskenin atap ótkim keledi. Sondyqtan Qazaqstan men kóptegen memleketter úshin importty almastyrý máselesi basymdyqqa ie. Júrgizilip jatqan jumys 2023 jyldyń sońyna qarai importqa táýeldilik máselelerin sheship, elimizdiń azyq-túlik qaýipsizdigin qamtamasyz etýge múmkindik beredi. Bul rette basymdyq infliatsiiaǵa áser etetin azyq-túlik taýarlaryna beriletin bolady», - dedi agroónerkásiptik keshendi damytýdyń negizgi baǵyttary jáne investitsiialyq jobalardyń iske asyrylýy týraly baiandaǵan Saparhan Omarov.
Sonymen qatar ol Memleket basshysynyń tapsyrmasyn oryndaý úshin qazirgi ýaqytta kelesi bes jylǵa arnalǵan jańa Agroónerkásip keshenin damytý jónindegi ulttyq joba agrobiznes, ǵylym ókilderi tarapynan talqylanyp jatqanyn aitty.
«Júrgizilip jatqan is-sharalardyń nátijesinde 5 jyl ishinde eńbek ónimdiligin 2,5 esege arttyrý, ónim eksportyn, aýyl sharýashylyǵy jumyskerleriniń tabysyn 2 esege ulǵaitý, sondai-aq salaǵa 4,1 trln teńge investitsiia tartý josparlanǵan. Bul qosymsha 500 myńǵa jýyq adamdy jumyspen qamtýǵa múmkindik beredi», - dedi ministr.
