الداعى 5 جىلدا 500 مىڭ ادام اگروٶنەركەسٸپ كەشەنٸندە جۇمىسپەن قامتىلادى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«جالپى, كوروناۆيرۋس پاندەميياسى جاعدايىندا بٷكٸل ەلەمدە ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋدەگٸ اۋىل شارۋاشىلىعىنىڭ رٶلٸنە دەگەن جالپى تٷسٸنٸكتٸڭ ٶسكەنٸن اتاپ ٶتكٸم كەلەدٸ. سوندىقتان قازاقستان مەن كٶپتەگەن مەملەكەتتەر ٷشٸن يمپورتتى الماستىرۋ مەسەلەسٸ باسىمدىققا يە. جٷرگٸزٸلٸپ جاتقان جۇمىس 2023 جىلدىڭ سوڭىنا قاراي يمپورتقا تەۋەلدٸلٸك مەسەلەلەرٸن شەشٸپ, ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋگە مٷمكٸندٸك بەرەدٸ. بۇل رەتتە باسىمدىق ينفلياتسيياعا ەسەر ەتەتٸن ازىق-تٷلٸك تاۋارلارىنا بەرٸلەتٸن بولادى», - دەدٸ اگروٶنەركەسٸپتٸك كەشەندٸ دامىتۋدىڭ نەگٸزگٸ باعىتتارى جەنە ينۆەستيتسييالىق جوبالاردىڭ ٸسكە اسىرىلۋى تۋرالى بايانداعان ساپارحان وماروۆ.
سونىمەن قاتار ول مەملەكەت باسشىسىنىڭ تاپسىرماسىن ورىنداۋ ٷشٸن قازٸرگٸ ۋاقىتتا كەلەسٸ بەس جىلعا ارنالعان جاڭا اگروٶنەركەسٸپ كەشەنٸن دامىتۋ جٶنٸندەگٸ ۇلتتىق جوبا اگروبيزنەس, عىلىم ٶكٸلدەرٸ تاراپىنان تالقىلانىپ جاتقانىن ايتتى.
«جٷرگٸزٸلٸپ جاتقان ٸس-شارالاردىڭ نەتيجەسٸندە 5 جىل ٸشٸندە ەڭبەك ٶنٸمدٸلٸگٸن 2,5 ەسەگە ارتتىرۋ, ٶنٸم ەكسپورتىن, اۋىل شارۋاشىلىعى جۇمىسكەرلەرٸنٸڭ تابىسىن 2 ەسەگە ۇلعايتۋ, سونداي-اق سالاعا 4,1 ترلن تەڭگە ينۆەستيتسييا تارتۋ جوسپارلانعان. بۇل قوسىمشا 500 مىڭعا جۋىق ادامدى جۇمىسپەن قامتۋعا مٷمكٸندٸك بەرەدٸ», - دەدٸ مينيستر.
