Qazaqstan halqy Assambleiasy Tóraǵasynyń jańa orynbasary Zakirjan Kýziev Qazaqstan uiǵyrlarynyń respýblikalyq mádeni ortalyǵy jyl basynan beri qandai jumystar atqarǵandyǵy týraly aityp berdi, dep habarlaidy QazAqparat.
«Men úshin QHA Tóraǵasynyń orynbasary bolyp taǵaiyndalý kútpegen jańalyq boldy. Bul – úlken jaýapkershilik. Elbasynyń maǵan degen úlken senimin aqtaýǵa tyrysamyn»,– dedi Zakirjan Kýziev.
Sonymen qatar, ol aldaǵy jumys josparymen bólisti.
«Biz osy jyldy abyroimen aiaqtap, barlyq múmkindikterimizdi kórsetemiz dep oilaimyn. Biz jyl sońyna deiin orasan zor jumys atqarýdy josparlap otyrmyz. Qazir is-sharalar josparyn daiyndap jatyrmyz. Birinshi kezekte jastarǵa nazar aýdaramyz. Munda jastarǵa qatysty kóptegen baǵdarlamalar bar. Etnomádeni ortalyqtardyń tóraǵalarymen kezdesemiz. Jalpy, aldaǵy kúnderge jáne kelesi jylǵa jumys josparyn ázirlep jatyrmyz», - dedi ol.
Zakirjan Kýziev Qazaqstan halqy Assambleiasy Tóraǵasynyń orynbasarlyǵyna taǵaiyndalǵanǵa deiin «Qazaqstan uiǵyrlarynyń respýblikalyq mádeni ortalyǵy» Almaty oblysyndaǵy filialynyń tóraǵasy boldy.
«Biyl biz aýqymdy jumys atqardyq. Pandemiiaǵa qaramastan, Qazaqstannyń uiǵyr etnomádeni ortalyǵy 120 mln teńgege túrli qaiyrymdylyq shara ótkizdi. Bul uiǵyr etnomádeni ortalyǵy arqyly, al Assambleia boiynsha 1,5 mlrd teńgege jasadyq. Barlyq kásipkerler múmkindiginshe kómek qolyn sozyp jatyr. Eger Almaty oblysy týraly aitar bolam, ortalyq «Biz birgemiz» baǵdarlamasyna shamamen 42 mln teńge bóldi», - dep qosty ol.
Zakirjan Kýziev Elbasy Nursultan Nazarbaevtyń Qazaqstan halqy Assambleiasy keńesiniń otyrysynda kótergen máselelerge de toqtaldy.
«Keshegi ótken keleli keńeste ózekti máseleler kóterildi. Basty taqyryptardyń biri – qazaq tiline kóshý boldy. Shynynda da, bul olqylyqtyń ornyn toltyrý qajet. Birinshi synyptan bastap qazaq tilinde qazaq tarihyn oqytý týraly usynys jasaldy»,– dep atap ótti ol.
Onyń aitýynsha, búginde Qazaqstanda 570 myńǵa jýyq uiǵyr turady, onyń 500 myńy Almaty oblysynda.
