Parlament Májilisiniń jańa depýtaty, burynǵy Investitsiialar jáne damý vitse-ministri Albert Raý óziniń depýtattyqqa taǵaiyndalýyn kútpegen jańalyq dep sanamaidy, dep xabarlaidy Ult.kz tilshisi QazAqparat agenttigine silteme jasap.
«Bul mańyzdy kezeń. Men buǵan byltyrdan beri, «Nur Otan» partiiasy meni úmitkerler tizimine engizgen kezden beri daiyn boldym. Parlamentte partiianyń 84 orny bar, sondyqtan bes jylda seni shaqyrtyp alýy múmkin, soǵan daiyn bolýyń kerek. Mine, meni depýtattyqqa shaqyryp aldy», - dedi ol.
Onyń sózinshe, ol vitse-ministr laýazymynan ketýge niettenbegen.
«Men Úkimette qyzmet etken 7 jyldyń ishinde Parlamenttegi jaǵdai ózgermegen siiaqty. Biz, Úkimet qyzmetkerleri Parlamentte zań jobalarynyń sapasyna qatysty qatty suraý bolatynyn bilemiz. Men búgin depýtattyq saýaldardy tyńdap otyryp, olar bizdiń sailaýshylarymyzdyń múddesin qorǵaýǵa baǵyttalǵandyǵyna taǵy bir ret kóz jetkizdim (...). Qazir Parlament aldynda jańa maqsat-mindetter tur. Ol konstitýtsiialyq reformalarǵa ǵana emes, «Jańǵyrtý 3.0» strategiiasyna da bailanysty ister. Ol qazir zańnamalyq qamtamasyz etýge zárý», - dedi Albert Raý.
Onyń aitýynsha, jańa májilismendi áriptesteri jyly qabyldaǵan.
«Parlamentte «álimjettik» joq dep aitty. Men áskerde boldym, sondyqtan onyń ne ekenin bilemin», - dep qaljyńdady ol.
Aita keteiik, Ortalyq sailaý komissiiasynyń qaýlysymen, «Nur Otan» partiiasynyń múshesi Albert Pavlovich Raý Parlament Májilisiniń depýtaty retinde tirkelgen bolatyn.
