Foto: Akorda.kz
«Aqorda» rezidentsiiasynda Qazaqstanǵa resmi saparmen kelgen Albaniia Prezidenti Bairam Begaidy qarsy alý rásimi ótti, dep habarlaidy "Ult aqparat" Aqordanyń resmi saityna silteme jasap.
Eki el basshylaryna Qurmet qaraýylynyń bastyǵy raport bergen soń, Qazaqstan men Albaniianyń memlekettik ánurandary shyrqaldy. Qasym-Jomart Toqaev pen Bairam Begai bir-birine resmi delegatsiia múshelerin tanystyrdy.
Sodan keiin Qazaqstan men Albaniia prezidentteri shaǵyn quramda kelissóz júrgizdi. Qasym-Jomart Toqaev shaqyrýyn qabyl alyp, Qazaqstan astanasyna kelgeni úshin Albaniia Prezidentine alǵys aitty.
– Bul – tarihta Albaniia Prezidentiniń Qazaqstanǵa jasaǵan alǵashqy sapary. Sizdiń resmi saparyńyz ózara yntymaqtastyqty damytý turǵysynan óte mańyzdy. Qazaqstan Sizdiń elińizben tyǵyz qarym-qatynas jasaýǵa nietti. Biz eki taraptyń múddesine sai keletin kóptegen salada ózara tiimdi yntymaqtastyqty damytýǵa múmkindik mol dep sanaimyz. Eki aptadan soń elderimiz arasyndaǵy diplomatiialyq qarym-qatynastyń ornaǵanyna 30 jyl tolady. Sizdiń saparyńyzdyń osy aitýly datamen tuspa-tus kelýiniń simvoldyq máni bar, – dedi Prezident.
Óz kezeginde Albaniia Prezidenti Bairam Begai Astanaǵa shaqyrǵany jáne qonaqjailyq kórsetkeni úshin Qasym-Jomart Toqaevqa rizashylyǵyn bildirdi.
– Qazaqstanǵa saparmen kelgenim úshin óte qýanyshtymyn. Arnaiy shaqyrǵanyńyz úshin Sizge rizashylyǵymdy bildiremin. Ózińiz aitqandai, bul sapar diplomatiialyq bailanystarymyzdyń 30 jyldyq mereitoiymen tuspa-tus kelip otyr. Bul bizdiń saiasi qarym-qatynasymyzdyń joǵary deńgeide ekenin kórsetedi. Endi ekonomikalyq yntymaqtastyǵymyzdy odan ári nyǵaitý úshin jańa múmkindikter taýyp, birlese jumys isteýimiz kerek. Sizdi Albaniiaǵa saparmen kelýge shaqyramyn, – dedi Bairam Begai.
