فوتو: Akorda.kz
«اقوردا» رەزيدەنتسيياسىندا قازاقستانعا رەسمي ساپارمەن كەلگەن البانييا پرەزيدەنتٸ بايرام بەگايدى قارسى الۋ رەسٸمٸ ٶتتٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
ەكٸ ەل باسشىلارىنا قۇرمەت قاراۋىلىنىڭ باستىعى راپورت بەرگەن سوڭ, قازاقستان مەن البانييانىڭ مەملەكەتتٸك ەنۇراندارى شىرقالدى. قاسىم-جومارت توقاەۆ پەن بايرام بەگاي بٸر-بٸرٸنە رەسمي دەلەگاتسييا مٷشەلەرٸن تانىستىردى.
سودان كەيٸن قازاقستان مەن البانييا پرەزيدەنتتەرٸ شاعىن قۇرامدا كەلٸسسٶز جٷرگٸزدٸ. قاسىم-جومارت توقاەۆ شاقىرۋىن قابىل الىپ, قازاقستان استاناسىنا كەلگەنٸ ٷشٸن البانييا پرەزيدەنتٸنە العىس ايتتى.
– بۇل – تاريحتا البانييا پرەزيدەنتٸنٸڭ قازاقستانعا جاساعان العاشقى ساپارى. سٸزدٸڭ رەسمي ساپارىڭىز ٶزارا ىنتىماقتاستىقتى دامىتۋ تۇرعىسىنان ٶتە ماڭىزدى. قازاقستان سٸزدٸڭ ەلٸڭٸزبەن تىعىز قارىم-قاتىناس جاساۋعا نيەتتٸ. بٸز ەكٸ تاراپتىڭ مٷددەسٸنە ساي كەلەتٸن كٶپتەگەن سالادا ٶزارا تيٸمدٸ ىنتىماقتاستىقتى دامىتۋعا مٷمكٸندٸك مول دەپ سانايمىز. ەكٸ اپتادان سوڭ ەلدەرٸمٸز اراسىنداعى ديپلوماتييالىق قارىم-قاتىناستىڭ ورناعانىنا 30 جىل تولادى. سٸزدٸڭ ساپارىڭىزدىڭ وسى ايتۋلى داتامەن تۇسپا-تۇس كەلۋٸنٸڭ سيمۆولدىق مەنٸ بار, – دەدٸ پرەزيدەنت.
ٶز كەزەگٸندە البانييا پرەزيدەنتٸ بايرام بەگاي استاناعا شاقىرعانى جەنە قوناقجايلىق كٶرسەتكەنٸ ٷشٸن قاسىم-جومارت توقاەۆقا ريزاشىلىعىن بٸلدٸردٸ.
– قازاقستانعا ساپارمەن كەلگەنٸم ٷشٸن ٶتە قۋانىشتىمىن. ارنايى شاقىرعانىڭىز ٷشٸن سٸزگە ريزاشىلىعىمدى بٸلدٸرەمٸن. ٶزٸڭٸز ايتقانداي, بۇل ساپار ديپلوماتييالىق بايلانىستارىمىزدىڭ 30 جىلدىق مەرەيتويىمەن تۇسپا-تۇس كەلٸپ وتىر. بۇل بٸزدٸڭ ساياسي قارىم-قاتىناسىمىزدىڭ جوعارى دەڭگەيدە ەكەنٸن كٶرسەتەدٸ. ەندٸ ەكونوميكالىق ىنتىماقتاستىعىمىزدى ودان ەرٸ نىعايتۋ ٷشٸن جاڭا مٷمكٸندٸكتەر تاۋىپ, بٸرلەسە جۇمىس ٸستەۋٸمٸز كەرەك. سٸزدٸ البانيياعا ساپارمەن كەلۋگە شاقىرامىن, – دەدٸ بايرام بەگاي.
