Foto: ashyq derekkóz
Qazaqstan Respýblikasynyń Bas prokýratýrasy jáne IIM Interpol qyzmetkerleri Saýd Arabiiasy Koroldigindegi Qazaqstannyń Elshiliginiń kómegimen Saýd Arabiiasynan alaiaqtyq jáne atqarýshylyq qujatty oryndamaý boiynsha qylmystyq jaýaptylyqqa tartý úshin Qazaqstan azamatyn ekstraditsiialady, dep habarlaidy Ult.kz.
Kúdikti 2018-2023 jyldar aralyǵynda aldaý jáne senimdi teris paidalaný arqyly Almaty qalasynda jábirlenýshilerdiń 19 million teńge somasyndaǵy aqshalai qarajaty men múlkin iemdengen. Sonymen qatar ol uzaq ýaqyt boiy almatylyq kommertsiialyq kompaniianyń 82 mln teńge somasyna aldyn ala tólengen taýardy jetkizý boiynsha mindettemelerin oryndaýdan jaltarǵan.
Sotqa deiingi tergeý barysynda kúdiktiniń jasyrynýyna bailanysty oǵan halyqaralyq izdeý jariialandy. Biyl ol Saýd Arabiiasy aýmaǵynda ustalyp, Qazaqstan Respýblikasy Bas prokýratýrasynyń suraýy boiynsha elge ekstraditsiialandy.
Qazirgi ýaqytta kúdikti tergeý izoliatoryna qamaýǵa alyndy.
Oǵan taǵylǵan qylmystardy jasaǵany úshin múlkin tárkileýmen bes jyldan on jylǵa deiin bas bostandyǵynan aiyrý jazasy qarastyrylǵan.
