Foto: Polisia.kz
Sońǵy jyldary Qazaqstanda alaiaqtyq qylmystarynyń sany aitarlyqtai artty. Ásirese internet pen tsifrlyq tehnologiialardyń keńinen qoldanysqa enýi bul qylmystyń jańa ári kúrdeli formalaryn týyndatýda. Qarapaiym azamattardyń múlkin iemdenýdi kózdeitin bul áreketter qazirgi qoǵam úshin asa ózekti máselege ainalyp otyr. Bul týraly zańger Nursultan Orynbekov Sadaqmedia-ǵa bergen suhbatynda aitty.
Zańgerdiń sózinshe, alaiaqtyq baby boiynsha politsiia tirkemeýge tyrysady.
«Prezident alqa jiynda alaiaqtyq keń taraǵan dep atap ótti. Memleket basshysy 20 myń deidi, negizi ol 40 myń. Kóbisi tirkelmei qalady. Arada jelide «qaitaramyn, beremin» degen mámileler bolsa, azamattyq sotqa júginińiz deidi. Azamattyq sotqa sen ne isteisiń, 1 paiyz memlekettik pochtadan tóleisiń, sodan keiin aqshańdy óndirýge ekitalai. Azamattyq sot ózin arestke qoimaidy, shotyn arestke qoiady, úiin arestke qoiady. Ol alaiaqtarda úi bolmaityny anyq, múlik, eshteńe bolmaidy. Sońynda jábirlenýshi sandalyp qalyp qoiady. Sondai bir ádiletsizdikter bar.
Qazir basqanyń atynan schet ashyp qoiady da, ózi tairańdap júre beredi. Túbi, quqyqtyq sana, halyqtyń arasynda alaiaqtyqqa jaqyndyq kóp bolyp ketken. Moiyndaý kerek, qazi, qazaq qazaqty aiamaidy, bir-birin aldap, bir-biriniń atynan kún kórip júre beredi. Eń bastysy, áleýmettik jelige de shyǵaryp, áshkereleimiz. Sot ta jazasyn beredi. Biraq tyiylmaidy», – deidi zańger.
Nursultan Orynbekovtiń sózinshe, aldanatyn adam azaisa, aldaityndar azaiady. Al, ókinishke qarai, aldanatyndar azaimai tur.
