Aqtóbe oblysy boiynsha sybailas jemqorlyqqa qarsy kúres departamenti QR IIM jeke qaýipsizdik tobynyń qyzmetkerlerine qatysty tergeý júrgizýde, dep habarlaidy "Ult aqparat".
Naqtyraq aitqanda, QR IIM jeke qaýipsizdik tobynyń burynǵy bastyǵy, QR IIM jeke qaýipsizdik tobynyń IIB aǵa jedel ýákili men Aqtóbe qalasynyń PB politsiia qyzmetkerine qatysty sotqa deiingi tergeý amaldary bastalǵan.
«Atalǵan adamdar óz qyzmetin paidalana otyryp, 2019 jyly Aqtóbede quqyq qorǵaý organynyń burynǵy qyzmetkerin qylmystyq-atqarý júiesi organyna jumysqa ornalastyramyz dep aldaǵan. Toptasyp álgi adamnyń senimine kirip, 600 myń teńgesin jymqyrǵan» dep habarlaidy Sybailas jemqorlyqqa qarsy is-qimyl agenttiginen.
Tergeý barysynda kúdiktilerdiń bári de kinásin moiyndapty. Qazirgi is boiynsha tergeý amaldary jalǵasýda.
