Qazaqstan Ulttyq banki aqsha jymqyrý maqsatynda azamattardyń jeke derekterine ie bolý úshin Ulttyq banktiń qyzmetkeri retinde telefon shalatyn alaiaqtardyń kóbeie bastaǵanyn eskertedi, dep habarlaidy "Ult aqparat".
«Ulttyq bank jeke tulǵalardyń shottaryna qyzmet kórsetpeidi, aqshalai esep aiyrysý men mámile jasamaidy. Ulttyq bankte shottardy tek qana Ulttyq banktiń, ekinshi deńgeili bankterdiń, shekteýli zańdy tulǵalardyń operatsiialaryn esepke alý úshin ashylady», delingen habarlamada.
Osyǵan bailanysty Qazaqstan Ulttyq banki «aqsha jiberińiz» degen elektrondy hattar men belgisiz nómirlerden túsken qońyraýǵa jaýap bermeýge keńes beredi.
«Belgisiz bank shottarynyń rekviziti kórsetilgen aiaq asty aqshaǵa tap bolasyz» degen habarlama nemese telefon qońyraýy kóbinese alaiaqtardyń áreketi ekenin baiqatady.
Ulttyq bankten «aqsha jóneltińiz» degen sipatta kúmándi hat kelse nemese qońyraý tússe, quqyq qorǵaý organdaryna aryzdaný qajet», delingen eskertýde.
