قازاقستان ۇلتتىق بانكٸ اقشا جىمقىرۋ ماقساتىندا ازاماتتاردىڭ جەكە دەرەكتەرٸنە يە بولۋ ٷشٸن ۇلتتىق بانكتٸڭ قىزمەتكەرٸ رەتٸندە تەلەفون شالاتىن الاياقتاردىڭ كٶبەيە باستاعانىن ەسكەرتەدٸ, دەپ حابارلايدى "ۇلت اقپارات".
«ۇلتتىق بانك جەكە تۇلعالاردىڭ شوتتارىنا قىزمەت كٶرسەتپەيدٸ, اقشالاي ەسەپ ايىرىسۋ مەن مەمٸلە جاسامايدى. ۇلتتىق بانكتە شوتتاردى تەك قانا ۇلتتىق بانكتٸڭ, ەكٸنشٸ دەڭگەيلٸ بانكتەردٸڭ, شەكتەۋلٸ زاڭدى تۇلعالاردىڭ وپەراتسييالارىن ەسەپكە الۋ ٷشٸن اشىلادى», دەلٸنگەن حابارلامادا.
وسىعان بايلانىستى قازاقستان ۇلتتىق بانكٸ «اقشا جٸبەرٸڭٸز» دەگەن ەلەكتروندى حاتتار مەن بەلگٸسٸز نٶمٸرلەردەن تٷسكەن قوڭىراۋعا جاۋاپ بەرمەۋگە كەڭەس بەرەدٸ.
«بەلگٸسٸز بانك شوتتارىنىڭ رەكۆيزيتٸ كٶرسەتٸلگەن اياق استى اقشاعا تاپ بولاسىز» دەگەن حابارلاما نەمەسە تەلەفون قوڭىراۋى كٶبٸنەسە الاياقتاردىڭ ەرەكەتٸ ەكەنٸن بايقاتادى.
ۇلتتىق بانكتەن «اقشا جٶنەلتٸڭٸز» دەگەن سيپاتتا كٷمەندٸ حات كەلسە نەمەسە قوڭىراۋ تٷسسە, قۇقىق قورعاۋ ورگاندارىنا ارىزدانۋ قاجەت», دەلٸنگەن ەسكەرتۋدە.
