Alaiaqtar Qasym-Jomart Toqaevtyń feik suhbatyn paidalanyp, qazaqstandyqtardy aldap jatyr, - dep habarlaidy stopfake.kz.
Áleýmettik jelilerde Qasym-Jomart Toqaev óziniń jetistikke jetý qupiiasyn bólisip, kriptovaliýtamen qomaqty qarjy tabýǵa múmkindik beretin Immediate Edge baǵdarlamasy týraly aitqan suhbaty taralyp jatyr. Portal málimetinshe, munyń bári - feik ári alaiaqtyq.
Shyndyǵynda, ol mundai suhbat bermegen. Mátindá de, «jetistikke jetý qupiialaryn» da alaiaqtar jazǵan. Dál osyndai «suhbat» 2020 jyly Avstraliiada taraǵan bolatyn, biraq ol kezde áigili avstraliialyq kásipker Dik Smit pen jazýshy Valid Aliden suhbat bergen. Osydan keiin avstraliialyq BAQ bul – alaiaqtardyń isi dep habarlady. Ókinishke orai, ol kezde eldiń keibir turǵyndary óz jinaqtarynan aiyrylyp qalǵan.
2021 jyly Immediate Edge Ulybritaniiada jarnamalyq naýqandy belsendi júrgize bastady. Belgili bir servister men ónimderge qatysty klientterdiń pikirlerine arnalǵan Trustpilot.com portalynda el turǵyndary Immediate Edge – alaiaqtar dep jazdy. Paidalanýshylardyń biri tipti olardyń jumysy men shemasyn egjei-tegjeili sipattaǵan. Onyń aitýynsha, az da bolsa, qyzyǵýshylyq tanytqan klientterge ár túrli «menedjerler» udaiy qońyraý shalyp otyrady jáne saýda-sattyqqa qatysý jáne qomaqty qarjy tabý úshin 250 fýnt sterling tóleýdi usynady. Al tólem jasalǵannan keiin, saýda-sattyqqa qatysýǵa ruqsat berilmegeni jáne «tapqan» aqshany alý múmkin emestigi anyqtalady.
Broker bolyp tabylatyn onlain-alaiaqtardy áshkereleýmen ainalysatyn ScamCryptoRobots.com portaly da Immediate Edge – alaiaqtyq dep jazdy.
Demek, Qaznette taraǵan Qasym-Jomart Toqaevtyń Immediate Edge júiesi arqyly aqsha tabýǵa shaqyrǵan suhbaty – feik.
