2020 jyly elimizde 14 myń internet alaiaqtyq jasalsa, ótken jyly onyń sany 21 myńǵa jetken. Al biyl jyl bastalǵaly 1177 internet alaiaqtyq qylmys jasaldy.
Bul týraly QR IIM Kriminaldyq politsiia departamenti kiberqylmysqa qarsy kúres ortalyǵy basshysynyń mindetin atqarýshy Rústem Dúisetaev málim etti, dep habarlaidy QazAqparat.
«Ótken jyly elimizde 41 myń alaiaqtyq jasaldy. Biyl qańtarda onyń sany 2,5 myńǵa jetti. Taldaý nátijesi kórsetkendei alaiaqtyq kóbinese qaryzǵa aqsha berý arqyly jasalady. Naqty túrlerin atasaq, tómengi paiyzben nesie berý, qyzmet kórsetý, jyljymaityn múlikti satý taǵy sol siiaqty. Tsifrlyq tehnologiia damyǵan saiyn alaiaqtyqtyń túrli ádis-tásili paida bolyp jatyr. Iaǵni itnernet alaiaqtyq», - Rústem Dúisetaev ministrlikte onlain ótken baspasóz máslihatynda.
Ministrlik usynǵan statistikaǵa súiensek, 2020 jyly elimizde 14 myń internet alaiaqtyq jasalsa, ótken jyly onyń sany 21 myńǵa jetken.
«Biyl qańtarda internet arqyly 1177 alaiaqtyq áreket istelgen. Internet alaiaqtyq qylmysynyń keń taralǵan túri - taýar satý. Iaǵni internet arqyly taýar satady, satyp alýshy aldyn ala aqshasyn tóleidi, biraq taýar joq. Sodan soń mikrokredittik mekemelerden onlain nesie alý. Internet alaiaqtyqtyń taǵy bir keń taraǵan túri azamattardyń jeke derekterin bilip alyp, bank kartasynan aqshasyn sypyryp alý. Kóbinese alaiaqtar ózderin bank qyzmetkerimin dep tanystyrady da klientten jeke málimetterdi suraidy, odan ári jaǵdai belgili», - deidi ol.
