2020 جىلى ەلٸمٸزدە 14 مىڭ ينتەرنەت الاياقتىق جاسالسا, ٶتكەن جىلى ونىڭ سانى 21 مىڭعا جەتكەن. ال بيىل جىل باستالعالى 1177 ينتەرنەت الاياقتىق قىلمىس جاسالدى.
بۇل تۋرالى قر ٸٸم كريمينالدىق پوليتسييا دەپارتامەنتٸ كيبەرقىلمىسقا قارسى كٷرەس ورتالىعى باسشىسىنىڭ مٸندەتٸن اتقارۋشى رٷستەم دٷيسەتاەۆ مەلٸم ەتتٸ, دەپ حابارلايدى قازاقپارات.
«ٶتكەن جىلى ەلٸمٸزدە 41 مىڭ الاياقتىق جاسالدى. بيىل قاڭتاردا ونىڭ سانى 2,5 مىڭعا جەتتٸ. تالداۋ نەتيجەسٸ كٶرسەتكەندەي الاياقتىق كٶبٸنەسە قارىزعا اقشا بەرۋ ارقىلى جاسالادى. ناقتى تٷرلەرٸن اتاساق, تٶمەنگٸ پايىزبەن نەسيە بەرۋ, قىزمەت كٶرسەتۋ, جىلجىمايتىن مٷلٸكتٸ ساتۋ تاعى سول سيياقتى. تسيفرلىق تەحنولوگييا دامىعان سايىن الاياقتىقتىڭ تٷرلٸ ەدٸس-تەسٸلٸ پايدا بولىپ جاتىر. ياعني يتنەرنەت الاياقتىق», - رٷستەم دٷيسەتاەۆ مينيسترلٸكتە ونلاين ٶتكەن باسپاسٶز مەسليحاتىندا.
مينيسترلٸك ۇسىنعان ستاتيستيكاعا سٷيەنسەك, 2020 جىلى ەلٸمٸزدە 14 مىڭ ينتەرنەت الاياقتىق جاسالسا, ٶتكەن جىلى ونىڭ سانى 21 مىڭعا جەتكەن.
«بيىل قاڭتاردا ينتەرنەت ارقىلى 1177 الاياقتىق ەرەكەت ٸستەلگەن. ينتەرنەت الاياقتىق قىلمىسىنىڭ كەڭ تارالعان تٷرٸ - تاۋار ساتۋ. ياعني ينتەرنەت ارقىلى تاۋار ساتادى, ساتىپ الۋشى الدىن الا اقشاسىن تٶلەيدٸ, بٸراق تاۋار جوق. سودان سوڭ ميكروكرەديتتٸك مەكەمەلەردەن ونلاين نەسيە الۋ. ينتەرنەت الاياقتىقتىڭ تاعى بٸر كەڭ تاراعان تٷرٸ ازاماتتاردىڭ جەكە دەرەكتەرٸن بٸلٸپ الىپ, بانك كارتاسىنان اقشاسىن سىپىرىپ الۋ. كٶبٸنەسە الاياقتار ٶزدەرٸن بانك قىزمەتكەرٸمٸن دەپ تانىستىرادى دا كليەنتتەن جەكە مەلٸمەتتەردٸ سۇرايدى, ودان ەرٸ جاعداي بەلگٸلٸ», - دەيدٸ ول.
