Aqtóbede belgisiz adamdar jergilikti turǵynnyń atynan nesie rásimdegen. Búginde oblys boiynsha internet alaiaqtaryna qatysty 101 is tirkeldi, dep habarlaidy QazAqparat.
Aqtóbe oblystyq politsiia departamentiniń bólimshelerinde búgingi kúni 112 alaiaqtyq deregi tirkelgen. Onyń ishinde 101-i internet alaiaqtaryna tiesili.
«Alaiaqtyqtyń bul túri keń taraǵan. Adamdar joq taýarlardy satyp alýǵa aqsha aýdarady. «Ózin bank qyzmetkerimin» dep tanystyrǵan beitanys adamdardyń ótinishi boiynsha basqa shottarǵa qarjysyn aýdarady jáne urlanǵan nemese joǵalǵan jeke kýáligi sekildi qujattaryna selqos qaraidy. Mysaly qarasha aiynda alaiaqtar internet resýrstar arqyly jergilikti turǵynnyń atyna jalpy somasy 3, 7 mln teńgege kredit resimdedi. Mundai jaǵdailardyń aldyn alý úshin politsiia qyzmetkerleri azamattarǵa qyraǵy bolýdy usynady», - dedi oblystyq PD baspasóz qyzmetiniń jetekshisi Erbolat Sarqulov.
Bank qyzmetkerleri karta málimetterin, SMS jáne CVV kodtardy suratyndarǵa senbeýge shaqyrdy. Sondai-aq alaiaqtar kóbine: «Bul banktiń qaýipsizdik qyzmeti. Biz kúdikti tranzaktsiiany taptyq, kartany buǵattaý kerek. Derekterińizdi aityńyz», - dep aldaidy.
