25 jyl boiy Halyqaralyq kompaniiada beldi qyzmet atqarǵan Almaty qalasynyń turǵyny Altynai Úsenova janaiqaiyn jetkizdi. "Qylmysker jazasyn alyp, materialdyq shyǵyndy ótese" deidi ol.
"Istiń naq mán-jaiy 8 jyldan beri dostyq qatynasta bolǵan Oljas esimdi azamatqa shúbásiz sengendigimnen boldy" dep tarqatty ol óz oiyn. Kúdikti Qyrǵyzstannan kartop ónimin ákelip iri saýda oryndaryna satamyz dep saýatty jasalǵan 1 million dollarlyq kelisim-sharttary arqyly Altynaidy óz isine sendirgen kórinedi. Uzaq ýaqyt boiy Senat apparatynda qyzmet atqarǵan Oljastyń ákesi beldi, belgili azamattardyń qatarynan bolǵandyqtan, esh oilanbastan 257 milliondy qolyna ustata salǵanyna ókingennen basqa amaly qalmaǵan.
Al, qazir jyldar boiy mańdai terimen tirneketep jinaǵan aqshasynyń alaiaqqa qoldy bolǵany qatty qynjyltqanyn alǵa tartýda. Jiǵanynan bólek eki birdei páterin satyp, búginde hosteldi panalaýǵa májbúr bolǵan Altynaidyń kúii eshkimdi bei-jai qaldyrmaityny anyq.
Bizneske investitsiia salyp, jasalǵan ár kelisimsharttan 40 paiyzdy alamyn dep senim artyp, ómirlik qarajatynan aiyrylǵan Altynaidyń qazirgi bar armany - tergeý isi durys júrgizilip, qylmysker jazasyn alyp, materialdyq shyǵynynyń ótelýi. Jábirlenýshiniń advokaty Renat Nainbaevtyń aitýynsha, armany dep aitýdyń bir sebebi - qylmystyq istiń júrgizilýi baiaý bop, barlyq dálelderdi qoldaryna ustatqanmen, Oljas Sydyqovtyń jazasyna qatysty naqty áreketterdiń bolmaýynda.
Kúdikti qamaýǵa alynǵanymen, jábirlenýshi tarapty tergeý barysynda áli kúnge deiin tolyq nátije bolmaýy, dúnie-múlkine esh buǵat qoiylmaǵandyǵy alańdatady. Olar is burmalanyp, qylmysker jazadan qutylady degen qorqynysh baryn aitady.
"Meniń bar maqsatym - qylmystyq óndiristegi tergeý amaldary tolyqqandy júzege asyrylyp, ómir boiy jiǵanymdy qaitarý, alaiaqtyń jazasyn alýy, - deidi Altynai.
Bul is bolashaqta ár adamǵa sabaq bolary anyq. Qazirgi zamanda alaiaqtardyń kóptigi, jat turmaq janyńdaǵy jaqynyńa senýdiń ózi qaýipti ekeni osy isten-aq baiqalatyny sózsiz.
Aita keteiik, Oljas Sydyqov - 25 jyl Senat apparatynda basshylyq qyzmet atqarǵan, qazir ortalyq sailaý komissiiasynyń múshesi Serik Sydyqovtyń jalǵyz uly. Jábirlenýshi tergeý jumystarynyń durys júrmeýiniń sebebin ákesiniń tikelei yqpalymen bailanystyrady.
