Almaty qalasynyń politseileri Áýezov aýdandyq politsiia basqarmasynyń qyzmetkerleri turǵyndardan alaiaqtyq jolmen aqsha alǵan áieldi ustady, dep habarlaidy "Ult aqparat".
«1985 jyly týǵan 35 jastaǵy C. esimdi áiel buryn qylmystyq jaýapkershilikke tartylǵan. Shilde aiynyń ortasynda ol Abai dańǵylymen Sain kóshesiniń qiylysynda turyp, sengish turǵyndarǵa jaqyndap, «jumys qajet pa?» dep suraqtaryn qoiǵan. Áiel karantindi, keibir adamdardyń qazir jumystan bosatylǵanyn jáne ýaqytsha jumys izdeýi múmkin degen faktorlardy paidalanǵan. Ol jaqsy psiholog. Zardap shekkenderdi áńgimege jyldam tartyp, joǵary jalaqy tólenetin munai kompaniiasyna jumysqa turǵyzýǵa kómek kórsete alatynyn aitqan. Qyzmetteri úshin olardan syiaqy alǵan. Biraq keiinnen aqsha da, jumys ta joq. Qazirgi ýaqytta bizdiń bólimge eki adam osy jaǵdai boiynsha júgindi», – dedi Áýezov aýdandyq politsiia basqarmasynyń bastyǵy Álisher Tursynbetov.
Sonymen qatar, politsiia kúdikti qalanyń basqa da aýdandarynda zańǵa qaishy áreketter jasaýy múmkindigin joqqa shyǵarmaidy.
Zardap shekkender bolsa: 8-701-852-60-94, 8-707-515-47-35 telefon nómirlerine habarlasýdy suraidy.
