Belgili qazaqstandyq ziltemirshi, Rio-de-Janeirodaǵy Olimpiada oiyndarynyń qola júldegeri Karina Goricheva óziniń týǵan qalasy Taldyqorǵanda ótetin Ýniversiada-2017 alaý estafetasyna qatysady.
Goricheva Ýniversiada jarystarymen etene tanys sportshy: ol 2013 jyly Kazande ótken Jazǵy ýniversiadaǵa qatysyp, kúmis júldeger atanǵan-tyn. almaty2017.com saityna bergen suhbatynda Karina Almatydaǵy Qysqy ýniversiadaǵa qatysty úmitterimen bólisti.
«Alaý estafetasyna qatysatynyma asa qýanyshtymyn, men úshin bul úlken jaýapkershilik. Ýniversiada kezinde sportshylarymyzdan tek jeńisterdi kútemin, olardyń árqaisysy úshin alańdap, qoldaýshylar qatarynan tabylamyn», - dedi Goricheva.
Osy tusta Karina stýdenttik oiyndar ózine ǵana tán erekshe ortada ótkenin atap ótti. «Kazande jyly shyraily orta boldy. Árine, ol basqa jarystardan osynysymen erekshelenedi. Jarystar búge-shegesine deiin bári oilastyrylyp, jaqsy uiymdastyryldy. Men ziltemirshilerdiń ǵana emes, sondai-aq, boks, dziýdo sekildi basqa da jarystardy kóre aldym», - deidi Karina.
Esterińizge salyp ótsek, Ýniversiada alaý estafetasy Qazaqstannyń 15 qalasynda ótip, 29 qańtarda Almatyda jarystardyń ashylý saltanatynda aiaqtalady. Alaý estafetasyna árbir óńirden belgili sportshylar, óner qairatkerleri men stýdentteri qatysady.
