بەلگٸلٸ قازاقستاندىق زٸلتەمٸرشٸ, ريو-دە-جانەيروداعى وليمپيادا ويىندارىنىڭ قولا جٷلدەگەرٸ كارينا گوريچەۆا ٶزٸنٸڭ تۋعان قالاسى تالدىقورعاندا ٶتەتٸن ۋنيۆەرسيادا-2017 الاۋ ەستافەتاسىنا قاتىسادى.
گوريچەۆا ۋنيۆەرسيادا جارىستارىمەن ەتەنە تانىس سپورتشى: ول 2013 جىلى كازاندە ٶتكەن جازعى ۋنيۆەرسياداعا قاتىسىپ, كٷمٸس جٷلدەگەر اتانعان-تىن. almaty2017.com سايتىنا بەرگەن سۇحباتىندا كارينا الماتىداعى قىسقى ۋنيۆەرسياداعا قاتىستى ٷمٸتتەرٸمەن بٶلٸستٸ.
«الاۋ ەستافەتاسىنا قاتىساتىنىما اسا قۋانىشتىمىن, مەن ٷشٸن بۇل ٷلكەن جاۋاپكەرشٸلٸك. ۋنيۆەرسيادا كەزٸندە سپورتشىلارىمىزدان تەك جەڭٸستەردٸ كٷتەمٸن, ولاردىڭ ەرقايسىسى ٷشٸن الاڭداپ, قولداۋشىلار قاتارىنان تابىلامىن», - دەدٸ گوريچەۆا.
وسى تۇستا كارينا ستۋدەنتتٸك ويىندار ٶزٸنە عانا تەن ەرەكشە ورتادا ٶتكەنٸن اتاپ ٶتتٸ. «كازاندە جىلى شىرايلى ورتا بولدى. ەرينە, ول باسقا جارىستاردان وسىنىسىمەن ەرەكشەلەنەدٸ. جارىستار بٷگە-شەگەسٸنە دەيٸن بەرٸ ويلاستىرىلىپ, جاقسى ۇيىمداستىرىلدى. مەن زٸلتەمٸرشٸلەردٸڭ عانا ەمەس, سونداي-اق, بوكس, دزيۋدو سەكٸلدٸ باسقا دا جارىستاردى كٶرە الدىم», - دەيدٸ كارينا.
ەستەرٸڭٸزگە سالىپ ٶتسەك, ۋنيۆەرسيادا الاۋ ەستافەتاسى قازاقستاننىڭ 15 قالاسىندا ٶتٸپ, 29 قاڭتاردا الماتىدا جارىستاردىڭ اشىلۋ سالتاناتىندا اياقتالادى. الاۋ ەستافەتاسىنا ەربٸر ٶڭٸردەن بەلگٸلٸ سپورتشىلار, ٶنەر قايراتكەرلەرٸ مەن ستۋدەنتتەرٸ قاتىسادى.
