Almaty qalasynda 2017 jyly ótetin XXVIII Dúniejúzilik qysqy Ýniversiadanyń Alaýy elimizdiń 15 aimaǵynan Almaty qalasyna jetkizilmek. Jýyrda Alaý jaǵý estafetasynyń bas repetitsiiasy ótikizilip, Alaýdy tasymaldaityn shyny saýyt testilendi, dep habarlaidy "Ult aqparat" Almaty oblysy ákimdiginiń resmi saityna silteme jasap.
Almaty oblystyq dene shynyqtyrý jáne sport basqarmasynyń bólim basshysy Almat Úshkempirovtiń aitýynsha, Taldyqorǵan qalasynda ótetin Alaý estafetasyna qazirgi tańda 2 joǵary oqý ornynan, mádeniet, meditsina jáne sport mekemelerinen 80-nen astam suranys kelip túsken. Arnaiy komissiia otyrysynda sonyń ishinen 60 alaýger iriktelip alynady. Qazirgi kezde qalanyń ishimen alaýdy alyp júretin kósheler belgilenip, marshrýty jasalýda.
Esterińizge salsaq, 2017 jylǵy 29 qańtar men 8 aqpan aralyǵynda Almaty qalasynda XXVIII Dúniejúzilik qysqy Ýniversiada ótedi. Halyqaralyq federatsiiasynyń (FISU) qoldaýymen ótetin bul halyqaralyq sporttyq jarysqa 17-28 jas aralyǵyndaǵy stýdentter qatysady. Qysqy jarysqa 55 elden 2 myń sportshy qatysady dep josparlanýda.
Ýniversiada kezinde shetelderden jáne elimizdiń aimaqtarynan 3000 erikti tartylady. Sonymen qatar 30 myńdai sheteldik qonaqtar men týrister keledi kútilýde.
Qazaqstan TMD elderiniń ishinde qysqy Ýniversiadany birinshi bop ótkizip otyr.
