Foto: Almaty ákimdigi
Qoiylymnyń basty ereksheligi – sahnada ár shyǵarma, án, bi etno-folklorlyq ansambldiń súiemeldeýimen oryndaldy. Dombyra, jetigen, baian, qylqobyz, prima-qobyz, sherter, urmaly jáne úrmeli aspaptar – barlyǵy 20-dan asa ulttyq aspaptyń úni kórermenge áserli mýzykalyq atmosfera syilaidy, dep habarlaidy Ult.kz.
Sondai-aq, qoiylym rejisseri Ádilet Tamenovtiń eki aibaltamen oryndaityn kúrdeli ári áserli sahnalyq kórinisi kórermendi tańqaldyrýda. Mundai plastikalyq sheshimniń álemdik sahna ónerinde balamasy joq.
Jalpy biyl festivalge qatysýǵa Almatydan taǵy úsh teatr shaqyrtý aldy. Olar Memlekettik Qýyrshaq teatry, «Artishok» jáne «Jolda» teatry.
Avignon OFF festivaliniń resmi baǵdarlamasyna birden tórt almatylyq ujymnyń qatysýy — qazaqstandyq sahna óneriniń álemdik deńgeide tanylyp, belsendi túrde damyp kele jatqanyn kórsetetin mańyzdy jetistik.
