Jolaýshy kámeletke jasqa tolmaǵan balasyn ushaqqa qujatsyz mingizýin talap etken, dep habarlaidy "Ult aqparat".
«8 qazan kúni 4 kámelet jasqa tolmaǵan balasy jáne bala kútýshisimen jolaýshy Shymkent áýejaiyna keldi. Ol balalarynyń biriniń qujaty joqtyǵyn aityp, ony Nur-Sultan qalasy reisine tirkeýin suraǵan. Tirkeý jónindegi agent jolaýshyǵa ushýǵa tirkelý úshin mindetti túrde qujat bolýyn habardar etti. Degenmen jolaýshy áýekompaniia qyzmetkerine til tigizip, odan balasyna otyrǵyzý talonyn berýin talap etti. Zań talaptaryn túsindirgen áýekompaniianyń qyzmetkerine jolaýshy dórekilik tanyta otyryp, basqa jolaýshylarǵa kedergi jasaýmen qatar balalaryn júk tasymaldaý jolaǵyna otyrǵyzyp qoidy. Sonymen qatar ol ózin órteitinin jáne ashtyq jariialaitynyn aitty. Sońynda áýekompaniianyń qyzmetkerine eki ret soqqy tigizdi», - dep habarlaidy «Air Astana» áýekompaniiasy.
Habarlamada aitylǵandai, óz kezeginde áýekompaniia qyzmetkeri quqyq qorǵaý organdaryna jolaýshynyń ústinen shaǵym jazdy.
«Áýekompaniia óz qyzmetkeriniń bul áreketin qoldaidy. Sebebi áýekompaniia qyzmetkeriniń eshqandai qoqan-loqqysyz óz mindetin atqarýǵa quqyǵy bar. Bul áýe keńistigindegi qaýipsizdik pen tártipti qamtamasyz etýde mańyzdy. Aita ketý kerek, zardap shekken áýe kompaniia qyzmetkeri de kópbalaly ana. Ol kámelet jasyna tolmaǵan 4 balany tárbieleýde», - dep jazylǵan habarlamada.
Sondai-aq, atalǵan áýekompaniia ushý aldynda jolaýshylardyń qujatyn tekserý zańǵa sáikes júrgiziletinin eskertedi.
«QR zańnamalyq normalaryna sáikes kámelet jasqa tolmaǵan balalar men jasóspirimderden ushý kezinde olardyń qujattarynyń talap etiletinin, sonymen qatar oǵan jaýapty azamattyń da qujaty bolýy kerektigin eskertedi. Áýe reisine tirkeý kezinde áýekompaniia qyzmetkerleri barlyq jolaýshylardyń qujattaryn tekserýge mindetti», - delingen kompaniia taratqan aqparatta.
