Foto:elements.envato.com
Premer-ministrdiń orynbasary Roman Skliar almatylyqtardyń seismologiialyq qaýipsizdikke alańdaýyna negiz joq ekenin málimdedi, dep habarlaidy Sputnik Qazaqstan.
Búgin Cenatta ótken parlamenttik tyńdaýlar kezinde depýtat Sergei Ershov Úkimet basshysynyń orynbasarynan sońǵy kezde almatylyqtardy qatty alańdatyp júrgen máseleni surady.
"Bizde seismologiia jaǵynan qaýipti Almaty degen aimaq bar. Ol jaqtaǵy seismologiialyq qaýipsizdikke qandai baǵa beresiz? Sosyn Túrkiiadaǵydai tragediiaǵa jol bermeý úshin qandai sharalar atqarylyp jatyr?", - dedi Ershov.
Skliardyń aitýynsha, Almatyda qurylys jáne sáýlet ǵylymi-zertteý institýty bar. Bul mekeme burynnan beri seismikalyq aimaqta qurylys jumystaryn qadaǵalap keledi.
"Olardyń saraptamasy boiynsha barlyq nysan qurylys talaptaryna sai salynǵan. Qazir alańdaýǵa eshqandai negiz joq dep oilaimyn. Tiisti laýazymdy tulǵalar qujatqa qol qoiǵanda óz jumysyna jaýap berip otyr", - dedi Skliar.
