QR Tuńǵysh Prezidentiniń baspasóz hatshysy Aidos Úkibai Elbasynyń densaýlyǵy týraly suraqtarǵa jaýap berdi, dep habarlaidy QazAqparat.
«Nursultan Nazarbaevtyń kóńil-kúii jaqsy, syrqat simptomsyz ótip jatyr. Dene qyzýy qalypty, KVI-ge tán belgiler baiqalǵan joq. Tuńǵysh Prezident dárigerlerdiń baqylaýynda. Olardyń aitýynsha, alańdaýǵa esh negiz joq», - dedi A.Úkibai.
Málim etilgendei, oqshaýlaný talabyna bailanysty Elbasy qashyqtan jumys istep jatyr.
«Bul kúnderi Nursultan Ábishuly birqatar eldiń kóshbasshylarymen telefon arqyly sóilesti. Jalpy, beinekonferentsiia, úkimettik arnaiy bailanys syndy zamanaýi kommýnikatsiia quraldary qoldanylyp jatyr. Qyzmettik qujattardy jetkizýde de barlyq sanitarlyq normalar saqtalady. Azamattardyń úndeýi men hattaryn jedel túrde elektrondy formatta jiberýge tyrysamyz», - dedi Aidos Úkibai.
Aita keteiik, Elbasynyń baspasóz hatshysy Qazaqstannyń Tuńǵysh Prezidenti Nursultan Nazarbaevtyń Covid-19-ǵa tapsyrǵan synamasy oń nátije kórsetkenin habarlaǵan edi.
«Ai bastalǵaly Nursultan Nazarbaevtyń jumys kestesi óte tyǵyz boldy. Elbasy ekijaqty kelissózder júrgizip, resmi tulǵalardy qabyldady. Oǵan qosa, Tuńǵysh Prezident otandyq jáne sheteldik BAQ ókilderine suhbat berdi. Jalpy alǵanda televiziialyq túsirim úshin 40 adam jumys istedi, onyń ishinde shet eldiń azamattary da bar. Nursultan Nazarbaevtyń jaǵdaiyn meditsina qyzmetkerleri baqylap otyr. Alańdaýǵa negiz joq. Elbasy zamanaýi kommýnikatsiia arnalaryn paidalanyp qashyqtan jumys istep jatyr», - degen bolatyn A.Úkibai.
