Almaty oblysy boiynsha Ekologiia departamenti Alakólge las sý aǵyzǵan mekemeniń qyzmetin toqtatý týraly sotqa talap-aryz túsiredi, dep habarlaidy "Ult aqparat".
«Almaty oblysy boiynsha Ekologiia departamenti Alakól kóline sarqyndy sýlardy aǵyzý faktisi boiynsha «ALMATRADEGROUP» JShS-ǵa qatysty jospardan tys tekserý júrgizdi. Sý kól jaǵasynda ornalasqan eki basseinnen (balalar men eresekter) zańsyz ornatylǵan qubyrlar arqyly aǵyzylǵan. Departament kásiporynnyń qujattamalaryn tekserip, sýdyń synamalaryn aldy», - delingen QR Ekologiia, geologiia jáne tabiǵi resýrstar ministrliginiń Facebook-tegi paraqshasynda.
Tekserý nátijeleri boiynsha, sarqyndy sýlardy memlekettik ekologiialyq saraptamanyń qorytyndysy men qorshaǵan ortaǵa emissiiaǵa ruqsatsyz aǵyzýdy júzege asyrý bóliginde zańbuzýshylyqtar anyqtalǵan.
«Jiberilgen ekologiialyq zańnama buzýshylyqtary úshin ákimshilik aiyppul salyndy. Sarqyndy sýlardy aǵyzý júzege asyrylǵan qubyrlardy joiý týraly uiǵarym berildi. Sondai-aq qorshaǵan ortaǵa keltirilgen zalal somasy anyqtalyp jatyr. Almaty oblysy boiynsha Ekologiia departamenti mekemeniń qyzmetin toqtatý týraly sotqa talap-aryz beretin bolady. Sý resýrstarynyń sapasy turaqty jaǵdaida, qorshaǵan ortaǵa qaýip baiqalmaidy. Almaty oblysy boiynsha Ekologiia departamenti «Qazgidromet» RMK filialy, sanitarlyq-epidemiologiialyq qyzmetimen berlesip sýǵa monitoring júrgizýde», - delingen ministrliktiń habarlamasynda.
Almaty oblysyndaǵy Alakólge qubyr arqyly lai sý tógilip jatqany buǵan deiin habarlanǵan bolatyn. Áleýmettik jelige taraǵan video halyqtyń narazylyǵyn týdyrdy.
QR Ekologiia, geologiia jáne tabiǵi resýrstar ministri Maǵzum Myrzaǵaliev bul jaǵdaiǵa kináliler jazalanatynyn aitty.
