Orman sharýashylyǵy jáne janýarlar álemi komitetiniń baspasóz hatshysy Sáken Dildahmet «Alakóldegi anakonda» ataýymen áleýmettik jelide tarap júrgen videoǵa qatysty pikir bildirdi, dep habarlaidy "Ult aqparat".
«Sumdyq Alakólde anakonda meken etedi». Kóp adam «Alakóldegi anakondanyń» videosyn joldap, onyń mán-jaiyn surap jatyr. Álbette bul jalǵan aqparat. Bizdiń otandastarymyz ol videonyń basqasha daýyspen jazyp, bireýdi kúldirtkisi kelgen sekildi. Anakonda bizdiń jerde tirshilik etpeidi», - degen Sáken Dildahmet videonyń túpnusqasy men ózgertilgen nusqasyn saldy.
Eske sala ketsek osydan eki jyl buryn áleýmettik jelilerde taraǵan «Katonqaraǵaidan anakondanyń tabylǵandyǵy» týraly aqparat shyǵysqazaqstandyqtardyda birshama dúrliktirgen bolatyn. Qytai men Reseidiń shekarasyna tiip jatqan atalmysh aýdannyń eń túkpirindegi «Arshaty aýylynan anakonda tabyldy» degen málimet aldymen «WhatsArp» arqyly tarap, kóp uzamai barlyq áleýmettik jelide talqylana bastaǵan edi.
