Sýret ashyq derekkózden alyndy
Alakól aýdanynda zeinetkerlerge bank qyzmetin usynǵan alaiaq áiel sottaldy, - dep habarlaidy Tengrinews.kz saity aýdandyq prokýratýra baspasóz qyzmetine silteme jasap.
Aýdandyq politsiia bólimine banktiń qyzmetkerimen ózgelerdiń atynan nesie rásimdegeni týraly shaǵym kelip túsken. Bul derek boiynsha QR QK-niń 190-baby (Alaiaqtyq) boiynsha qylmystyq is tirkelip, sotqa deiingi tergep-tekserý amaldary júrgizildi.
"Sotqa deiingi tergeý barysynda anyqtalǵany: sottalýshy 2020-2022 jyldary aralyǵynda bankten nesie rásimdeýge jáne ai saiynǵy tólemdi tóleýge kelgen azamattardyń senimderine kirip, senimdi teris paidalaný jolymen bóten múlikke quqyqty iemdený qylmystyq oiymen 16 jábirlenýshiniń (onyń ishinde 11-i zeinetker) atyna zańsyz nesie rásimdegen. Sonymen qatar, rásimdelgen nesielerdi alaiaqtyq jolmen jábirlenýshilerdiń esep shottarynan sheship, óziniń jeke basynyń paidasy úshin jumsaǵan", - delingen habarlamada.
Aýdan prokýratýrasynyń atalǵan qylmystyq is boiynsha úilestirý is-sharalarynyń negizinde qylmystyq is Alakól APB-men sotqa joldanǵan.
Sot protsesinde sottalýshynyń kinási tolyǵymen óz dálelin taýyp, sot úkimimen 4 jyl 6 ai bas bostandyǵynan aiyrý jazasy taǵaiyndaldy.
"Osyǵan orai, Bank qyzmetin alý kezinde nemese bank qyzmetkeri retinde habarlasyp, kúdikti operatsiia jasalǵany týraly habarlamaǵa (Sizdiń atyńyzdan nesie alǵany, qarajat aýdarylǵany týraly jáne t.b.) senbeýge shaqyramyz!", - deidi prokýratýra ókilderi.
