Foto: TJM baspasóz qyzmeti
Abai aýdany Alakólde eki adam mingen kólik muz astyna ketti, - dep habarlaidy TJM baspasóz qyzmeti.
Qaiǵyly oqiǵa 2023 jylǵy 13 qańtarda Abai aýdanyndaǵy qatyp qalǵan sý qoimasynda bolǵan. Saǵat 15:10 shamasynda "NIVA" kóliginiń júrgizýshisi jolaýshysymen birge Alakól kólinen muz ústimen ótip ketken.
"Muz jamylǵysy synyp, nátijesinde kólik sý astynda qaldy. Kólikte otyrǵan jolaýshy kólikten shyǵa aldy. Ókinishke qarai, júrgizýshi kólik salonynan shyǵa almai sýǵa batyp ketti.
Izdeý jumysy barysynda 14 qańtar tańǵy saǵat 11-de Abai oblysynyń qutqarýshylary sýǵa batqan adamnyń denesin 28 metr tereńdikten jer betine shyǵardy", - delingen habarlamada.
Qutqarý jumystaryna QR TJM kúshteri men quraldary Abai oblysynyń jedel qutqarý jasaǵynan 4 qutqarýshy, 1 tehnika, jergilikti atqarýshy organdardan 25 adam, 6 birlik tehnika jumyldyrylǵan.
