Shyǵys Qazaqstan oblysyndaǵy Alakól men Buqtyrma sý qoimasy jaǵalaýyndaǵy jerler satylmaidy. Oblys ákimi Danial Ahmetov osylai málim etti dep habarlaidy, "Ult aqparat" aimaq basshysynyń baspasóz qyzmetine silteme jasap.
«Týristik klaster shoǵyrlanǵan Alakól men Buqtyrma sý qoimasyn damytýǵa arnalǵan keshendi baǵdarlama jasalýy kerek. Jáne atalǵan eki aimaqta jer satýdy toqtatý kerek», - dedi Danial Ahmetov.
Oblystyq maslihat sessiiasynda sóz alǵan aimaq basshysy sondai-aq, óńirdegi keibir sý qoimalarynyń emdik qasietin zertteý qajettigin alǵa tartty. Sarapshylardyń aldyn-ala jasaǵan málimetine júginsek, sýdyń erekshe quramynyń arqasynda olardyń 60 paiyzǵa jýyǵy emdik qasietke ie kórinedi.
Osy oraida ShQO ákimi aldaǵy jazǵy maýsymǵa deiin kólik qatynasyna qatysty máselesi túbegeili sheshýdi tapsyrdy. Nátijesinde, avtokólik joldary jóndeledi, Óskemen-Shar-Jalańashkól stansasy baǵytynda temirjol baǵdary iske qosylady.
