Almaty oblysyndaǵy Alakól men Balqash jaǵalaýyndaǵy jaǵajailar men demalys oryndary sanitarlyq talaptardy saqtai otyryp jumysyn jalǵastyra beredi, dep habarlaidy "Ult aqparat".
Alakól kólinde karantin merziminde de sýǵa shomylý maýsymy jalǵasa beredi. Degenmen demalys oryndary barlyq qajetti sanitarlyq jáne dezinfektsiialyq sharalardy kúsheitýi kerek.
«Alakóldiń Almaty oblysyndaǵy jaǵalaýyna kelgen týristerden koronavirýsqa bailanysty arnaiy anyqtama talap etilmeidi. Biraq demalys oryndaryna 2 metrlik ara qashyqtyqty saqtaý syndy birneshe talap qoiylǵan. Bul talaptar týristerge túsindiriledi. Eń bastysy atalǵan demalys aimaǵy óz jumysyn jalǵastyra beredi», - dedi Almaty oblysy ákiminiń baspasóz hatshysy Ǵalymurat Júkel.
Qazir Alakól jaǵalaýynda 250 pansionat, qonaq úiler, demalys bazasy men aimaqtary, saýyqtyrý lagerleri men qonaq úiler jumys isteidi. Táýliktik syiymdylyǵy 23,5 myń adamnan asady. Bul Almaty oblysynyń týristik obektileriniń jalpy sanynyń 30%.
Taǵy úsh jańa demalys ortalyǵy ashylyp, týristik infraqurylymnyń 15 nysanyn paidalanýǵa berý josparlanǵan.
