الماتى وبلىسىنداعى الاكٶل مەن بالقاش جاعالاۋىنداعى جاعاجايلار مەن دەمالىس ورىندارى سانيتارلىق تالاپتاردى ساقتاي وتىرىپ جۇمىسىن جالعاستىرا بەرەدٸ, دەپ حابارلايدى "ۇلت اقپارات".
الاكٶل كٶلٸندە كارانتين مەرزٸمٸندە دە سۋعا شومىلۋ ماۋسىمى جالعاسا بەرەدٸ. دەگەنمەن دەمالىس ورىندارى بارلىق قاجەتتٸ سانيتارلىق جەنە دەزينفەكتسييالىق شارالاردى كٷشەيتۋٸ كەرەك.
«الاكٶلدٸڭ الماتى وبلىسىنداعى جاعالاۋىنا كەلگەن تۋريستەردەن كوروناۆيرۋسقا بايلانىستى ارنايى انىقتاما تالاپ ەتٸلمەيدٸ. بٸراق دەمالىس ورىندارىنا 2 مەترلٸك ارا قاشىقتىقتى ساقتاۋ سىندى بٸرنەشە تالاپ قويىلعان. بۇل تالاپتار تۋريستەرگە تٷسٸندٸرٸلەدٸ. ەڭ باستىسى اتالعان دەمالىس ايماعى ٶز جۇمىسىن جالعاستىرا بەرەدٸ», - دەدٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل.
قازٸر الاكٶل جاعالاۋىندا 250 پانسيونات, قوناق ٷيلەر, دەمالىس بازاسى مەن ايماقتارى, ساۋىقتىرۋ لاگەرلەرٸ مەن قوناق ٷيلەر جۇمىس ٸستەيدٸ. تەۋلٸكتٸك سىيىمدىلىعى 23,5 مىڭ ادامنان اسادى. بۇل الماتى وبلىسىنىڭ تۋريستٸك وبەكتٸلەرٸنٸڭ جالپى سانىنىڭ 30%.
تاعى ٷش جاڭا دەمالىس ورتالىعى اشىلىپ, تۋريستٸك ينفراقۇرىلىمنىڭ 15 نىسانىن پايدالانۋعا بەرۋ جوسپارلانعان.
