Almatyda ál-Farabi dańǵylynda bolǵan jol apatyna qatysty úsh qylmystyq is tergelip jatyr. Bul týraly Ishki ister ministrligi habarlady.
Kúdiktige mas kúide jol erejesin buzyp, eki nemese odan da kóp adamnyń ólimine ákeldi degen aiyp taǵylǵan. Is sotqa joldandy. Aldyn ala tyńdaý 28 mamyr kúni Almatynyń qylmystyq ister jónindegi mamandandyrylǵan aýdanaralyq sotynda ótedi.
Sonymen qatar politsiia qyzmetkerine qatysty qyzmettik áreketsizdik baby boiynsha is qozǵalǵan. IIM-niń málimetinshe, tergeý aiaqtalýǵa jaqyn. Budan bólek, memlekettik nómirlerdi zańsyz berý faktisi boiynsha da tergeý júrip jatyr.
Eske sala keteiik, 21 naýryz kúni Ál-Farabi dańǵylynda Zeekr kóligi qarsy jolaqqa shyǵyp ketip, Mercedes avtokóligimen soqtyǵysqan. Saldarynan úsh adam mert boldy.
