Ózbekstannyń musylmandar basqarmasy Egipettiń ál-Azhar ýniversitetiniń halyqaralyq elektrondy ortalyǵynyń koronavirýsqa bailanysty pátýasyn jariialady. Bul týraly Azattyqtyń Ózbek qyzmeti jazdy.
Pátýaǵa sáikes, koronavirýstan qaitys bolǵan adamǵa "azap shekken" degen mártebe beriledi. Buǵan qosa, adamdardy mas qylmaityn spirt qoldanýǵa ruqsat etilgen jáne spirtpen meshitti zalalsyzdandyrýǵa bolady dep jazylǵan.
Pátýa boiynsha eger dárigerler oraza ustaý koronavirýs juqtyrý múmkindigin arttyrady dep aitsa jáne bul ǵylymi turǵyda dáleldense, oraza ustamaýǵa da ruqsat.
Buǵan deiin Ózbekstannyń musylmandar dini basqarmasy oraza kezinde aýyzashar jasap, meshitterde taraýyq oqýǵa tyiym salǵan bolatyn. Basqarma azamattardy oǵan ketetin qarjyny materialdyq kómekke muqtaj otbasylarǵa úlestirýge keńes bergen.
Qazaqstan men Qyrǵyzstanda da osyǵan uqsas tyiym salynǵan. 24 sáýirge qaraǵan túni musylmandar úshin qasietti ai sanalatyn Ramazan aiy bastalady.
