Syrtqy ister ministrligi Qytaida sottalǵan Aqjarqyn Turlybaidy Qazaqstanǵa berý rásimin qoldaný qarastyrylyp jatqanyn málim etti, dep habarlaidy "Ult aqparat" vedomstvonyń baspasóz qyzmetine silteme jasap.
Buǵan deiin habarlanǵandai, 2019 jyldyń 27 jeltoqsanynda Gýanchjoý qalasynyń Halyq sotynda esirtki kontrabandasy úshin aiyptalǵan qazaqstandyq Aqjarqyn Turlybaiǵa qatysty qylmystyq is boiynsha úkim jariialandy. Qytai soty ómir boiy bas bostandyǵynan aiyrý týraly úkimdi ózgerissiz qaldyrdy.
Keiinnen qorǵaýshy tarap sot úkimine shaǵym jasady. Alaida, qosymsha tergeý nátijeleri boiynsha sot bastapqy úkimdi ózgerissiz qaldyrdy.
Qolda bar aqparatqa sáikes, A.Turlybai kelesi aidyń ishinde Gýandýn provintsiiasy túrmeleriniń birine aýystyrylady.
«Qazaqstan Respýblikasy men Qytai Halyq Respýblikasy arasyndaǵy Qazaqstan Respýblikasy ratifikatsiialaǵan jáne 2015 jyly kúshine engen sottalǵan adamdardy berý týraly shartqa sáikes A.Turlybaiǵa qatysty úkimdi oryndaý úshin QHR iýrisdiktsiiasynan Qazaqstanǵa berýdi qoldanýǵa bolady. Qazirgi ýaqytta qorǵaýshy tarap pen sottalǵan otandasymyzdyń otbasy bizdiń azamatshany Qazaqstanǵa berý rásimin qoldanýyn qarastyrýda. Sottalǵan azamatty berý boiynsha kelissózder QR Bas prokýratýrasy men QHR ýákiletti organy arasynda júrgiziledi», delingen habarlamada.
Ministrliktiń málimdeýinshe, A.Turlybaidyń isi QR Syrtqy ister ministrliginiń turaqty baqylaýynda.
«Qorǵaýshy tarapqa A.Turlybaidy Qazaqstanǵa berýdiń naqty merzimi belgisiz, alaida biz ony tezirek qaitarýǵa múddelimiz», delingen SIM taratqan baspasóz baianynda.
