QR Ulttyq banki tóraǵasy Daniiar Aqyshev aǵymdaǵy jyly ekinshi deńgeili bankterge ne úshin memlekettik qoldaý kórsetilgendigin aitty, dep habarlaidy QazAqparat.
«Bankti qutqarý, ne qutqarmaý máselesi onyń shyǵyny barynsha joǵary bolyp, aktsionerdiń kapitaly salymshylardy munan arǵy shyǵyndardan qorǵaýǵa jetpegen kezde týyndaidy. Tańdaý qyzyǵarlyq emes. Óitkeni, jaqsy men óte jaqsynyń arasynda emes, jaman men óte jamannyń arasynan tańdaý jasaýǵa týra keledi. Degenmen, tańdaý jasaý qajet. Sebebi áreket jasamaý - odan da jaman», - dedi Daniiar Aqyshev «Delevoi Kazahstan» gazetine bergen suhbatynda.
Suhbat barysynda ol ótken jyly Ulttyq bank elimizdiń shyǵyny mol birneshe banktiń nesie qorjynyna tekserý jasaǵandyǵyn jáne Qazkommertsbankti qutqarý úshin oǵan qaita kapitaldandyrý júrgizilgendigin atap ótken.
«Bank biz anyqtaǵan barlyq shyǵyndardy moiyndady, aktsionerlik kapitaldy tolyqtai shyǵynǵa jazdy jáne memlekettik qoldaýǵa ie boldy. Osydan keiin ony Halyq bank satyp alyp, qaita kapitaldandyrdy», - dedi ol.
Sonymen qatar ol Qazkmmertsbankti memleket qutqarmaǵan jaǵdaida qandai jaǵdai bolýy múmkin ekendigin de aityp berdi.
«Birshama qiyndyq bolar edi. Óitkeni, banktiń ózin ǵana emes ol joiylǵan jaǵdaidaǵy barlyq yqtimal saldardy da eskerý qajet. Bizdiń bank júiemizdiń negizgi kreditorlardan bastaiyq. Negizinen ol qoǵamdyq sektor, iaǵni Qazaqstannyń memlekettik kompaniialary, qoǵamdyq qorlar, BJZQ. Olar qarajattaryn depozitte ustaidy jáne bank obligatsiialaryna ie. Bul shamamen bank júiesin qorlandyrýdyń 30 paiyzyn quraidy. Qorlandyrýdyń 44 paiyzyn halyqtyq jinaqtary. 2007 jylmen salystyrǵanda olardyń arasynda sheteldik kreditter is júzinde joq desek te bolady. Bank joiylǵan jaǵdaida olardyń barlyǵy da qarjylyq shyǵynǵa ushyraidy», - dedi Ulttyq bank tóraǵasy.
Onyń aitýynsha, bankterdi qutqarý sektor tiimdiliginiń uzaq merzimdi shyǵyndarymen de bailanysty.
«Sondyqtan da biz júie quraýshy bankterge qoldaý kórsetýge jáne júieli emes bankterdi banktik qoldaý baǵdarlamasyn qabyldaýdy sheshtik. Jalpy bul minsiz qural emes. Degenmen, oryn alyp otyrǵan jaǵdailardy jáne biz betpe-bet kelgen institýttyq shekteýlerdi eskerer bolsaq, bul bankterdiń saýyqtyrýdyń barynsha ońtaily nusqasy dep sanaimyz», - dedi Daniiar Aqyshev.
Ulttyq bank tóraǵasynyń aitýynsha, bankterdiń basty problemasy - bul olardyń kapitalyna qysym jasap, kredittik belsendiligin shekteitin nashar kreditter úlesiniń joǵary bolýy. Al bul problemany sheshpei ekonomikanyń shynaiy sektorlaryn kreditteýdi qaita qalpyna keltirýi múmkin emes.
«Sondyqtan Ulttyq bank aktsionerler tarapynan mindetti qoldaý bolǵan kezde bankterdiń qarjylyq turaqtylyǵyn arttyrý baǵdarlamasyn iske qosty. Qazkommertsbankten bólek iri bankterge de qoldaý kórsetildi. Iri 5 bankke kórsetilgen qoldaý kólemi 500 mlrd teńgeden astam qarjyny quraidy. Olardyń barlyǵy da Qazaqstan úshin júieli ári áleýmettik mańyzy bar», - dedi Daniiar Aqyshev.
