Tuńǵysh Prezident-Elbasynyń sheshimimen Daniiar Talǵatuly Aqyshev Qazaqstan Respýblikasynyń Tuńǵysh Prezidenti-Elbasynyń kómekshisi qyzmetinen bosatyldy, dep habarlaidy Elbasy.kz.
Daniiar Talǵatuly 1976 jyly 25 mamyrda Almaty qalasynda týǵan.
1996 jyly Qazaq Memlekettik Basqarý akademiiasyn ekonomist mamandyǵy boiynsha úzdik aiaqtady (mamandanýy - bank isin uiymdastyrý).
Eńbek jolyn Ortalyq Aziia qor birjasynda maman retinde bastady.
1996-2003 jyldary Qazaqstan Respýblikasy Ulttyq bankiniń zertteý jáne statistika departamentinde túrli laýazymdar atqardy, 2003-2007 jyldary osy departamentti basqardy. 2007-2014 jyldary Qazaqstan Respýblikasy Ulttyq banki tóraǵasynyń orynbasary.
2014-2015 jyldary Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bóliminiń meńgerýshisi laýazymyn, 2015 jylǵy tamyz - 2015 jylǵy qarasha aralyǵynda sondai-aq Qazaqstan Respýblikasy Prezidenti kómekshisiniń mindetterin ýaqytsha atqarýshy boldy.
Qazaqstan Respýblikasy Ulttyq bankiniń tóraǵasy (2015-2019); QR Prezidentiniń keńesshisi boldy.
Sońǵy laýazymyna 2019 jyldyń sáýirinde taǵaiyndalǵan.
