Foto: Mádeniet jáne aqparat ministrligi
Qazaqstannyń halyq jazýshysy, belgili aqyn Muhtar Shahanov Otyrar aýdanynda jerlenetin boldy. Bul týraly aqynnyń jieni Qaiyrhan Balǵabekov áleýmettik jelide habarlady, dep jazady Ult.kz.
Onyń aitýynsha, marqumnyń kózi tirisinde aitqan sońǵy amanaty oryndalady.
«Allaǵa sansyz shúkir, atamnyń sońǵy amanaty oryndalatyn boldy. Atamyz Otyrarda jerlenetin boldy», — dep jazdy ol Threads jelisinde.
Qoshtasý rásimi 21 sáýir kúni Abai atyndaǵy Qazaq ulttyq opera jáne balet teatry ǵimaratynda saǵat 09:00-de ótedi.
Al jazýshy Qudiiar Bilál málimetinshe, jerleý rásimi 22 sáýirde Arystan bab kesenesi mańynda ornalasqan ziratta ótedi. Atap aitqanda, akademik Ómirzaq Aitbaev pen satirik Kópen Ámirbek jerlengen qorymǵa qoiylady.
Keiinirek naqtylanǵan aqparatqa sáikes, aqyn Túrkistan oblysy, Otyrar aýdany aýmaǵyndaǵy «Qoǵamdyq aýyldyq ziratynda» jerlenedi.
Eske sala keteiik, buǵan deiin Muhtar Shahanovtyń jary Prezident ákimshiligine hat joldap, aqyndy «Arystan bab» kesenesiniń irgesine jerleýdi suraǵan bolatyn. Áleýmettik jeli qoldanýshylary aqynnyń sońǵy amanatynyń oryndalýyna qatysty túrli pikir bildirgen edi.
