فوتو: مەدەنيەت جەنە اقپارات مينيسترلٸگٸ
قازاقستاننىڭ حالىق جازۋشىسى, بەلگٸلٸ اقىن مۇحتار شاحانوۆ وتىرار اۋدانىندا جەرلەنەتٸن بولدى. بۇل تۋرالى اقىننىڭ جيەنٸ قايىرحان بالعابەكوۆ ەلەۋمەتتٸك جەلٸدە حابارلادى, دەپ جازادى Ult.kz.
ونىڭ ايتۋىنشا, مارقۇمنىڭ كٶزٸ تٸرٸسٸندە ايتقان سوڭعى اماناتى ورىندالادى.
«اللاعا سانسىز شٷكٸر, اتامنىڭ سوڭعى اماناتى ورىندالاتىن بولدى. اتامىز وتىراردا جەرلەنەتٸن بولدى», — دەپ جازدى ول Threads جەلٸسٸندە.
قوشتاسۋ رەسٸمٸ 21 سەۋٸر كٷنٸ اباي اتىنداعى قازاق ۇلتتىق وپەرا جەنە بالەت تەاترى عيماراتىندا ساعات 09:00-دە ٶتەدٸ.
ال جازۋشى قۇدييار بٸلەل مەلٸمەتٸنشە, جەرلەۋ رەسٸمٸ 22 سەۋٸردە ارىستان باب كەسەنەسٸ ماڭىندا ورنالاسقان زيراتتا ٶتەدٸ. اتاپ ايتقاندا, اكادەميك ٶمٸرزاق ايتباەۆ پەن ساتيريك كٶپەن ەمٸربەك جەرلەنگەن قورىمعا قويىلادى.
كەيٸنٸرەك ناقتىلانعان اقپاراتقا سەيكەس, اقىن تٷركٸستان وبلىسى, وتىرار اۋدانى اۋماعىنداعى «قوعامدىق اۋىلدىق زيراتىندا» جەرلەنەدٸ.
ەسكە سالا كەتەيٸك, بۇعان دەيٸن مۇحتار شاحانوۆتىڭ جارى پرەزيدەنت ەكٸمشٸلٸگٸنە حات جولداپ, اقىندى «ارىستان باب» كەسەنەسٸنٸڭ ٸرگەسٸنە جەرلەۋدٸ سۇراعان بولاتىن. ەلەۋمەتتٸك جەلٸ قولدانۋشىلارى اقىننىڭ سوڭعى اماناتىنىڭ ورىندالۋىنا قاتىستى تٷرلٸ پٸكٸر بٸلدٸرگەن ەدٸ.
