Belgili aqyn, jýrnalist Talǵat Eshenuly Qazaqstan Respýblikasy Prezidenti Əkimshiliginiń Ishki saiasat bólimi meńgerýshisiniń orynbasary bolyp taǵaiyndaldy. Bul týraly Erlan Sairov feisbýktaǵy jeke paraqshasynda habarlady.
"Belgili jýrnalist, aqyn, adal dosymyz Talǵat Eshenuly Qazaqstan Respýblikasy Prezidenti Əkimshiliginiń Ishki saiasat bólimi meńgerýshisiniń orynbasary qyzmetine kiristi. Ultjandy, tereń rýhani qabileti bar, azamattardyń,myna jaýapty kezeńde, saiasi menedjmentke kelip jatqanyna qýanyshtymyz. Iske sət!", dep jazdy saiasattanýshy.
Talǵat Eshenuly 1974 jyly 15 qazanda Shyǵys Qazaqstan oblysy (burynǵy Semei oblysy) Aiakóz aýdany Tarbaǵatai aýylynda dúniege kelgen. 1991 jyly Tarbaǵatai aýylyndaǵy Oktiabr orta mektebin támamdaǵan soń, 1991-1996 jyldary Ál-Farabi atyndaǵy Qazaq ulttyq ýniversiteti, jýrnalistika fakýltetinde oqydy.
1996-1997 jyldary halyqaralyq «Zaman-Qazaqstan» gazetinde, 1997-1998 jyldary «Jas alash» respýblikalyq gazetinde tilshi, qoǵam jáne saiasat bólimniń meńgerýshisi bolyp qyzmet istedi. 1998-2004 jyldar aralyǵynda Qazaqstan Respýblikasynyń Aqparat ministrliginde, Qazaqstan Respýblikasynyń Mádeniet, aqparat jáne qoǵamdyq kelisim ministrliginde túrli jaýapty qyzmetter atqardy. 2004-2005 jyldar aralyǵynda «Jas alash» gazetiniń Astanadaǵy tilshiler qosynynyń jetekshisi boldy. 2005-2008 jyldary «Jas qazaq» respýblikalyq qoǵamdyq-saiasi gazetiniń bas redaktory qyzmetin atqardy. 2008-2009 jyldary QR Prezidenti Ákimshiliginiń sektor meńgerýshisi. 2009-2010 jyldary «Nur Otan» partiiasy tóraǵasynyń birinshi orynbasarynyń keńesshisi boldy. Qazirgi ýaqytta «Samuryq-Qazyna» Ulttyq ál-aýqat qory» aktsionerlik qoǵamynda bas menedjer bolyp qyzmet etedi.
«Shabyt» halyqaralyq shyǵarmashylyq jastar festivaliniń «ádebiet», «jýrnalistika» nominatsiialary boiynsha (1999 jyl, 2000 jyl) jeńimpazy. J.Nájimedenov, T.Aibergenov atyndaǵy syilyqtardyń laýreaty. QR Prezidenti stipendiiasynyń (1999 jyl), «Daryn» memlekettik jastar syilyǵynyń iegeri (2006 jyl). «Qazaqstan Respýblikasynyń Táýelsizdigine 10 jyl» medalimen, «Abai» halyqaralyq medalimen marapattalǵan.
