Foto: qazaqadebieti
Belgili aqyn, memlekettik syilyqtyń laýreaty, Qazaqstannyń eńbek sińirgen qairatkeri, «Parasat» ordeniniń iegeri Nesipbek Aituly 73 jasynda dúnieden ozdy, dep habarlaidy "Ult aqparat".
Nesipbek Aituly 1950 jyly Shyǵys Túrkistannyń Tarbaǵatai aimaǵynda dúniege kelgen.
Eńbek jolyn Shubartaý aýdandyq «Jańa ómir» gazetinde bastaǵan. Al 1974 jyly Qazaq memlekettik ýniversitetiniń jýrnalistika fakýltetin bitirgen.
1974-1984 jj. «Baldyrǵan» jýrnalynyń poeziia bóliminiń meńgerýshisi, «Jalyn» baspasynda redaktor. 1984-1994 jj. Qazaqstan Jazýshylar odaǵynda ádebi keńesshi. 1995-1996 jj. «Aqyn» qaýymdastyǵynyń direktory. 1997-2001 jj. «Qazaq ádebieti» gazetinde syn bóliminiń, «Juldyz» jýrnalynda poeziia bóliminiń meńgerýshisi.
2001 jyldan bastap Astana qalasyna kóship, L.N.Gýmilev atyndaǵy Eýraziia ulttyq ýniversitetinde, Prezidenttik Mádeniet ortalyǵynda qyzmet istegen.
Sondai-aq ol Qazaqstan Jazýshylar odaǵynyń sekretariat múshesi, Astana qalasyndaǵy S.Seifýllin atyndaǵy murajai direktory boldy.
Alǵashqy kitaby 1974 jyly «Qozykósh» degen atpen jaryq kórdi. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Rýhymnyń padishasy», «Muqaǵali-Jeltoqsan», «Báiterek», balalarǵa arnalǵan «Balabaqshaǵa barar jolda», «Jelkildep ósken quraqtai», «Kúmis kúime» («Serebrianyi sýndýchok»), «Qartaimaidy kún nege?» atty kitaptary, Shyǵystyń uly shaiyry Á.Naýaidyń «Eskendir qorǵany», «Láili-Májin» dastandaryn tárjimalap, «Igor joryǵy týraly jyr», taǵy basqa aýdarma kitaptary shyqqan. Túriktiń VII ǵasyrda ómir súrgen uly aqyny Júnis Emire, qytaidyń kóne dáýir aqyny Bo Tsyziýdyń, frantsýz aqyny DJ.Rodaridyń, sondai-aq M.Isakovskii, A.Barto, S.Mihalkov, S.Barýzdin, V.Berestov, T.Sydyqov, S.Jýsýev óleńderin týǵan tilimizde sóiletken.
«Báiterek»(2003), «Kóz jasym» tańdamaly (2006), «Bóritostaǵan» (2007), «Erlikke eskertkish» (2008), «Sardar» (2008), «Qulanoinaq» (2009), «Arqatirek» (2010), «Naýryzbai» (2011), «Tý» (2012), «Saraiymnan shyqqan sóz» (2014), «Dariǵa, dáýren» (2018) jáne taǵy basqa kitaptary jaryq kórgen.
