فوتو: qazaqadebieti
بەلگٸلٸ اقىن, مەملەكەتتٸك سىيلىقتىڭ لاۋرەاتى, قازاقستاننىڭ ەڭبەك سٸڭٸرگەن قايراتكەرٸ, «پاراسات» وردەنٸنٸڭ يەگەرٸ نەسٸپبەك ايتۇلى 73 جاسىندا دٷنيەدەن وزدى, دەپ حابارلايدى "ۇلت اقپارات".
نەسٸپبەك ايتۇلى 1950 جىلى شىعىس تٷركٸستاننىڭ تارباعاتاي ايماعىندا دٷنيەگە كەلگەن.
ەڭبەك جولىن شۇبارتاۋ اۋداندىق «جاڭا ٶمٸر» گازەتٸندە باستاعان. ال 1974 جىلى قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن بٸتٸرگەن.
1974-1984 جج. «بالدىرعان» جۋرنالىنىڭ پوەزييا بٶلٸمٸنٸڭ مەڭگەرۋشٸسٸ, «جالىن» باسپاسىندا رەداكتور. 1984-1994 جج. قازاقستان جازۋشىلار وداعىندا ەدەبي كەڭەسشٸ. 1995-1996 جج. «اقىن» قاۋىمداستىعىنىڭ ديرەكتورى. 1997-2001 جج. «قازاق ەدەبيەتٸ» گازەتٸندە سىن بٶلٸمٸنٸڭ, «جۇلدىز» جۋرنالىندا پوەزييا بٶلٸمٸنٸڭ مەڭگەرۋشٸسٸ.
2001 جىلدان باستاپ استانا قالاسىنا كٶشٸپ, ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە, پرەزيدەنتتٸك مەدەنيەت ورتالىعىندا قىزمەت ٸستەگەن.
سونداي-اق ول قازاقستان جازۋشىلار وداعىنىڭ سەكرەتاريات مٷشەسٸ, استانا قالاسىنداعى س.سەيفۋللين اتىنداعى مۇراجاي ديرەكتورى بولدى.
العاشقى كٸتابى 1974 جىلى «قوزىكٶش» دەگەن اتپەن جارىق كٶردٸ. «جٷرەكتەگٸ جاڭعىرىقتار», «ەكە تۋرالى سىر», «جاڭبىر ەنٸ», «تٷندەلەپ ۇشقان تىرنالار», «رۋحىمنىڭ پاديشاسى», «مۇقاعالي-جەلتوقسان», «بەيتەرەك», بالالارعا ارنالعان «بالاباقشاعا بارار جولدا», «جەلكٸلدەپ ٶسكەن قۇراقتاي», «كٷمٸس كٷيمە» («سەرەبريانىي سۋندۋچوك»), «قارتايمايدى كٷن نەگە?» اتتى كٸتاپتارى, شىعىستىڭ ۇلى شايىرى ە.ناۋايدىڭ «ەسكەندٸر قورعانى», «لەيلٸ-مەجٸن» داستاندارىن تەرجٸمالاپ, «يگور جورىعى تۋرالى جىر», تاعى باسقا اۋدارما كٸتاپتارى شىققان. تٷرٸكتٸڭ Vٸٸ عاسىردا ٶمٸر سٷرگەن ۇلى اقىنى جٷنٸس ەمٸرە, قىتايدىڭ كٶنە دەۋٸر اقىنى بو تسىزيۋدىڭ, فرانتسۋز اقىنى دج.روداريدىڭ, سونداي-اق م.يساكوۆسكيي, ا.بارتو, س.ميحالكوۆ, س.بارۋزدين, ۆ.بەرەستوۆ, ت.سىدىقوۆ, س.جۋسۋەۆ ٶلەڭدەرٸن تۋعان تٸلٸمٸزدە سٶيلەتكەن.
«بەيتەرەك»(2003), «كٶز جاسىم» تاڭدامالى (2006), «بٶرٸتوستاعان» (2007), «ەرلٸككە ەسكەرتكٸش» (2008), «ساردار» (2008), «قۇلانويناق» (2009), «ارقاتٸرەك» (2010), «ناۋرىزباي» (2011), «تۋ» (2012), «سارايىمنان شىققان سٶز» (2014), «داريعا, دەۋرەن» (2018) جەنە تاعى باسقا كٸتاپتارى جارىق كٶرگەن.
