Búgin Qazaqstan Respýblikasynyń Mədeniet jəne sport ministri Aqtoty Raiymqulova aitysker, aqyn, Qazaqstannyń eńbek sińirgen qairatkeri Nadejda Lýshnikovaǵa Prezident Qasym-Jomart Toqaevtyń «Qurmet» gramotasyn tabystady.
Bul týraly "Ult aqparat" QR Mádeniet jáne sport ministrliginiń resmi saityna silteme jasap habarlaidy.
Ministr Nadejda Lýshnikovaǵa zor densaýlyq, shyǵarmashylyq shabyt tilep, jalyndy jyrlarymen ədebietke úles qosyp kele jatqany úshin alǵys aitty.
Óz kezeginde ulaǵatty ustaz Memleket basshysyna rizashylyǵyn bildirip, Aqtoty Raiymqulovaǵa «Qazaqtyń bir qyzymyn» kitabyn syiǵa tartty.
Aita keteiik, Nadejda Lýshnikovaǵa aqyn, Qyzylordadaǵy M.Mámetova atyndaǵy pedagogika ýchilishesin, Abai atyndaǵy Qazaq pedagogika institýtynyń filologiia fakýltetin támamdaǵan.
Eńbek jolyn qazaq tili men qazaq ádebieti pániniń muǵalimi bolyp bastaǵan. Qyzylorda oblysy «Lenin joly» gazetinde ádebi qyzmetker, «Jazýshy» baspasynda redaktor, aýyl mektepterinde muǵalim boldy. Jastaiynan dombyra tartyp, án oryndaýshylyǵymen, jazba jəne sýyrypsalma aqyndyǵymen tanyldy.
Aqynnyń «Elim meniń», «Kóńil qoshy» atty jeke jyr jinaǵy men «Saǵynarsyńdar meni de», «Qazaqtyń bir qyzymyn» kitaby jaryq kórdi. Al aitystary «Jyr shashý», «Máńgi kóktem» jinaqtaryna engen.
