Aqyn, Qazaqstannyń eńbek sińirgen qairatkeri, Qazaqstan Jazýshylar odaǵy Atyraý oblystyq filialynyń direktory Qoishyǵul Jylqyshiev el astanasynyń "Nur-Sultan" bolyp ózgerýine qatysty pikir bildirdi.
«Ataqty Tólebidiń: «Bir úidiń balasy bolma, Kóp úidiń sanasy bol, Bir eldiń atasy bolma, Bar eldiń danasy bol, Bir tonnyń jaǵasy bolma, Bar eldiń aǵasy bol», – degen ósiet sózi bar edi.
Keshegi Atatúrik sekildi Nursultan Əbishuly da dəl osyndai ósietke sai bul kúnde Ataqazaq atandy. Jəi ǵana bir nərseni bastap ony sońyna deiin jetkizý úshin de biraz jiger, shydam qaisarlyq kerek. Al otyz jyl boiy el basqarý, tyǵyryqtan shyǵa bilý jəne sonyń nátijesin kórgenshe uly qairatkerlikpen qyzmet kórsetý tegin adamnyń qolynan kelmeidi. Nursultan Ábishuly búgingi el astanasyn osylaisha saldy. Keremet qala saldy. Qazaq halqynyń kelbetin kórsetti. Qazaqtyń talǵamyn tanytty. Mine, sondyqtan da, elimizdiń astanasyn «Nur-sultan» dep ataiyq degen Prezidentimiz Qasym-Jomart Kemeluly Toqaevtyń sheshimi óte batyl sheshim jəne ony qoldaý bizdiń halyqtyń júzin jarqyrata túsedi. Basshy-qosshymyz bolyp, bir tilekpen alǵa basa bereiik» deidi ol.
Aita ketsek, búgin Memleket basshysy Qasym-Jomart Toqaev Qazaqstan Respýblikasynyń astanasy – Astana qalasyn Qazaqstan Respýblikasynyń astanasy – Nur-Sultan qalasy dep qaita ataý týraly Jarlyqqa qol qoidy.
.jpeg)