Taldyqorǵan qalasynda Qazaqstan Jazýshylar odaǵynyń aimaqtyq filialy ashyldy.
Eldegi eń iri shyǵarmashylyq uiymynyń Jetisý jerindegi bólimshesin aqyn Erlan Júnis basqaratyn boldy. Búgin jetisýlyq ziialy qaýym ókilderine filialdyń jańa direktoryn odaq tóraǵasynyń birinshi orynbasary Aqberen Elgezek tanystyrdy.
Aqyn Erlan Júnistiń esimi óleń súier qaýymǵa jaqsy tanys. Ol «Haýas», «Úmit jyrlary» siiaqty birneshe jyr jinaqtarynyń avtory. 2006 jyly Halyqaralyq «Shabyt» festivalinde gran-pri men Prezident kýbogyn jeńip alǵan. Memlekettik syilyq pen «Daryn» syilyǵynyń iegeri.
Poeziiada ózindik qoltańbasyn qalyptastyrǵan aqyn endi jetisýlyq qalamgerlerdiń múddesin qorǵaýǵa qyzmet etpek. Ári túrli ádebi is-sharalardy uiymdastyrý jumystarymen ainalysady. Óńirdegi jazýshylar odaǵynyń 120-dan astam múshesi bar.
Aqyn-jazýshylar odaq filialynyń jas ári jańa basshysyna zor senim bildirip, qyzmetine tabys tiledi.
Aita ketsek, Erlan Júnis Tósbaiuly, 1984 jyldyń 7-shi qarashasynda Almaty oblysy, Jambyl aýdanynda dúniege kelgen.
Mektep qabyrǵasynda júrgen kezinde «Jyr-perzent» degen atpen alǵashqy jyr-jinaǵy jaryqqa shyqty. 2002 jyly Taraz qalasyndaǵy M. H. Dýlati atyndaǵy Taraz Memlekettik Ýniversiteti «Álem tilderi» fakýltetine oqýǵa túsip, 2007 jyly «filolog, ádebietshi» mamandyǵyn alǵan. «Kentavr» ádebi aptalyǵynda qyzmet etip júrip, «Qazaq ádebieti» jáne Respýblikalyq qoǵamdyq-saiasi «Aiqyn» gazetterinde qyzmet etken. Qazir Qazaqstan Jazýshylar odaǵynda referent-ádebi keńesshi qyzmetin atqarýda. 2006 jyly Halyqaralyq «Shabyt» shyǵarmashyl jastar festivalinde «Ádebiet» atalymy boiynsha Gran-Pri jáne Prezident Kýbogin ielengen. «Kieli túnderdiń duǵasy», ««Egiz kitap» («Twinbook»)», «Haýas», «Úmit jyrlary» atty kitaptary jaryq kórgen. 2012 jylǵy Memlekettik Stipendiianyń iegeri.
