Qazaqstannyń eńbek sińirgen qairatkeri, kórnekti aqyn Ábdirahman Asylbek dúnie saldy.
Bul týraly Qazaqstan Jazýshylar odaǵy habarlady. "Qazaq ádebieti men rýhaniiaty aýyr qazaǵa dýshar boldy. 81 jasqa qaraǵan shaǵynda kórnekti aqyn, aýdarmashy Ábdirahman Asylbek dúnieden ozdy" dep jazady Jazýshylar Odaǵynyń jelidegi resmi paraqshasy.
Ábdirahman Asylbek 1938 jyly 1 mamyrda Jambyl oblysynyń Talas aýdanyna qarasty Úsharal aýylynda týǵan.
QazPIdiń tarihfilologiia fakýltetin bitirgennen keiin mektepte muǵalim bolǵan. Aspirantýrada oqyǵan.
Oblystyq gazette, respýblikalyq Qazaq radiosynda, Qazaq KSR Ministrler Keńesiniń Baspa, poligrafiia jáne kitap saýdasy isteri jónindegi memlekettik komitetinde qyzmet jasaǵan.
Sondaiaq, «Jazýshy», «Jalyn» baspalarynda, Qazaqstan Jazýshylar odaǵyndaǵy kórkem ádebietti nasihattaý biýrosynda, Qazaqstan Jazýshylar odaǵynyń Jambyl oblystyq bólimshesinde, respýblikalyq «Ádilet», «Mádeniet», «Zań», «Kózqaras» gazetterinde qyzmet istegen.
«Zańger» jýrnalynda bólim meńgerýshisi, redaktordyń orynbasary, QR Bas Prokýratýrasynyń «Quqyqtyq Qazaqstan» gazetiniń Bas redaktory bolǵan, osy gazette bas redaktordyń orynbasary qyzmetin atqarǵan.
1955 jyly «Beibitshilik baqshasy», «Jaýdy aiaǵan jaraly» siiaqty tyrnaqaldy shyǵarmalary basylǵan. Balalarǵa arnalǵan alǵashqy óleńder jinaǵy 1961 jyly jaryq kórgen. Sodan bergi ýaqytta 31 jyr kitabyn shyǵarǵan. Lirika, án mátinderin jazyp, satira jáne aýdarma janrlarymen de ainalysqan. Kóptegen baiqaýlardyń jeńimpazy, júldegeri.
Shyǵarmalary: Japyraqtar. Óleńder A., QMKÁB, 1961; Qiial qiiasynda. Ańyzdar. A., QMKÁB, 1963; Altyn dán. Ertegi A., «Jazýshy», 1967; Alataý aiasynda. Ertegipoema. A., «Jazýshy», 1969; Ǵajap bala. Ańyzdar, ertegiler. A., «Jazýshy», 1969; Balam týraly ballada. Óleńder. A., «Jazýshy», 1971; Álemge úni taraǵan. Balladalar. A., «Jazýshy», 1971; Kókorai kóktem. Óleńder. A., «Jazýshy», 1973; Túrlitúrli bala bar. Óleńder. A., «Jazýshy», 1974; Týysyńdy taptyń ba? Satiralyq óleńder. A., «Jalyn», 1976; Svetofor syry. Óleńder. A., «Mektep», 1977; Altyn arai. Óleńder, ertegiler. A., «Jalyn», 1980; Erden ataidyń ertegileri. Ertegiler. A., «Mektep», 1980; Dostyq balladasy. Balladalar. A., «Jazýshy», 1981; Baiqa, balaqai. Óleńder. Áńgimeler. A., «Mektep», 1982; Báisheshekter. Ertegiler. A., «Mektep», 1984; Hantaý qoinaýynda. Derekti povest. A., «Qainar», 1982; Aq tilek. Óleńder, jumbaqtar, ertegiler. A., «Jalyn», 1985; Za týchami – solntse. Skazki. A., «Jalyn», 1986; Saýysqannyń sálemi. Syqaqtar, mysaldar. A., «Jazýshy», 1986; Syiqyrly sybyzǵy. Ertegiler. A.,1988; Aq monshaqty arýym. Ánder. A., «Óner», 1995; Shapaǵat shýaǵy. Ómirderek. A., «Qainar», 1997; Balbulaq. Óleńder, ertegiler. A., «Raýan», 2000; Aidai sulý arýym. Ánder. A., «Áýen», 2001; Ánshi bala. Ánder. A., «Áýen», 2002; Súiedi ekem. Ánder. A., «Áýen», 2003, Binazar batyr. A., «Mariia» 2004; Baiǵozy batyr. A., «Merei», 2005; Quranǵa qurmet. A., «Asyl», 2007; I.A.Krylov. Mysaldar. «Aýdarma», 2008.
